Өнөөдрөөс эхлэн албан ёсоор ажлаа үргэлжлүүлж байгаагаа та бүхэндээ дуулгахад таатай байна. Би энэ хугацаанд сайхан наадаж, сайхан аялж амраад ирлээ. Аяллынхаа туршид олон сайхан дурсамж бүтээж, маш их зүйл сурч, шинэ туршлага, ухаарал хуримтлууллаа. Харин та бүхэндээ нэгэн сайхан мэдээ дуулгая. 🎉 Өнөөдрөөс эхлэн долоо хоног бүрийн Даваа гарагт та бүхэн өөрсдийн тулгамдсан асуудал, сонирхсон асуултаа чөлөөтэй асууж, хариулт авах боломжтой боллоо. Асуухыг хүссэн зүйл байвал сэтгэгдэл хэсэгт эсвэл чат руугаа үлдээгээрэй. Та бүхний асуултад өөрийн мэдлэг, туршлагадаа үндэслэн чин сэтгэлээсээ хариулах болно. Та бүхэндээ амжилт бүтээлээр дүүрэн, эрч хүчтэй шинэ долоо хоногийг хүсье! 💚

Та бүхэндээ Үндэсний их баяр наадмын мэндийг өргөн дэвшүүлье! 🇲🇳 Морь нь хурдан, бөх нь хүчтэй, сур нь мэргэн байх болтугай. 🏇🏹🤼‍♂️ Эрүүл энх, аз жаргал, элбэг дэлбэг сайхан бүхнийг хүсэн ерөөж, гэр бүл, дотнын хүмүүстэйгээ дурсамж дүүрэн, сайхан наадаарай.🏇

Заримдаа бид амьдралынхаа төлөө хэт их гүйсээр, хамгийн чухал хүн болох өөрийгөө мэдрэхээ мартчихдаг. Тиймээс Лхагва гараг бүрийн 06:30 цагт болох Growth/Өсөлт Community-ийн "Feel Me" уулзалтад таныг урьж байна. 💙 ✨ Өөртэйгөө хэсэгхэн хугацаанд уулзъя. ✨ Сэтгэлээ сонсож, бодлоо цэгцэлье. ✨ Өөрийгөө илүү ойлгож, өөрөөр мэдэрч эхэлье. ✨ Учир нь жинхэнэ өсөлт дотроосоо эхэлдэг. "Өөрийгөө өөрөөр мэдэрье." 📍 Уулзах газар: Skool Live 🗓️ Хэзээ: Лхагва гараг бүр ⏰ Цаг: 06:30 Өглөөний ердөө хэдхэн хором таны бүтэн өдрийг, харин бүтэн өдөр таны амьдралыг өөрчилж чадна. Өөртэйгөө уулзах энэ аялалд бидэнтэй нэгдээрэй. Таныг халуун дулаан уур амьсгалтайгаар хүлээж байна.💙🌿 Өсөлт/Growth сommunity https://www.skool.com/ukhamsarlakhui-6988

Мэдрэмж гэдэг ямар том зүйл байдгийг би өмнө нь их л энгийнээр ойлгодог байжээ. Үгийг нь мэддэг ч утгыг нь үнэхээр ойлгож амжаагүй явсан юм шиг санагдлаа. Миний сул талыг хүмүүс ямар их буруу ашиглаж байсныг ойлгосон. Тэр дундаа гэр бүлийн харилцаа гэдэг зөвхөн тархиараа бодож, логикоор шийдчих асуудал биш юм байна гэдгийг маш сайн ухаарлаа. Мөн итгэл гэдэг нэгэнт алдагдсан бол эргээд яг өмнөх шигээ болдоггүй зүйл гэдгийг ч ойлгож авсан. Хамгийн анх чи яагаад гомдож, өөрийгөө хаасан тухайгаа ярьж байхад би тэр бүр гүнзгий ойлгож чаддаггүй байсан. Харин одоо эргээд бодоход "үхнэ" гэдэг ганцхан үгээр намайг айлгаж, миний мэдрэмжийг хаасан тэр үйлдэл тухайн үедээ өөрт нь энгийн санагдсан байж болох ч, надад маш хүнд, таагүй мэдрэмж үлдээсэн байжээ гэдгийг ойлгосон. Амьдралд анхны бүхэн хуучирдаг. Харин хуучирсан зүйлээ зүгээр л тэвчээд өнгөрөөх биш, ярилцаж, ойлголцож, шинэчилж, хамтдаа дахин бүтээж болдог юм байна. Тиймээс тэвчих биш, ярилцаж шийдвэрлэх нь хамгийн зөв сонголт байдгийг ойлгож авлаа. 📣Ухамсартайгаар ухаарах гэдэг ямар их хүчтэй зүйл болохыг өдөр бүр мэдэрч явна. 🫶 Сэтгэгдэл бичиж өгсөнд талархлаа.