5h • General discussion
Are You Left Behind?
Aksar zindagi mein aisa hota hai ke hum ruk kar sochne lagte hain ke hum bohat peeche reh gaye hain aur duniya hum se bohat aage nikal gayi hai. Falana aage nikal gaya, falana kamyab ho gaya, aur hum wahin ke wahin reh gaye. Phir hum naseeb, waqt aur halaat ko dosh dene lagte hain.
Yaad rakhein, peeche reh jana yeh nahi hota ke koi aap se aage nikal gaya ho. Peeche reh jana yeh hota hai ke aap mayoos ho kar ruk jayein.
Halaat badle ja sakte hain, ghurbat badli ja sakti hai, timing badli ja sakti hai. Har insaan ka apna waqt aata hai — kisi ka jaldi, kisi ka dair se.
Jo cheez nahi badli ja sakti, woh hai afsos: “Main kar sakta tha, lekin maine kiya nahi.”
Is liye aaj ke baad naseeb ko kosna chhor dein. Chhota sa qadam uthayein, chhota sa kaam karein, lekin lagataar karein.
Yaad rakhein, aap ki zindagi mein jo wahid haath waqai aap ki madad kar sakta hai, woh aap ke apne haath hain. Jo darwaze khatkhataye nahi jaate, woh kabhi khulte nahi.
Na koi achanak mojza hota hai, na koi aasman se aa kar sab kuch theek karta hai.
Seekhna kabhi dair nahi hota. Umar, halaat aur maazi ko bahana na banayein. Aahista chalein, lekin chalna band na karein.
Ek din aisa zaroor aaye ga ke log khud kahenge:“Yeh kahan se aa gaya?”
Bas aaj rukna chhor dein. Yehi kaafi hai.
2
0 comments
Are You Left Behind?
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by