3d (edited) • General discussion
Power of Human Intention & Belief
Assalam-o-Alaikum everyone!
Aaj main aik bohat interesting baat share karna chahti hoon.Is kainat ka center insaan hai. Allah Pak ne poori kainat insaan ki khidmat ke liye banayi zameen, aasman, suraj, chand, hawa, pani, janwar, har cheez. Quran bhi baar baar humein is par sochnay ki daawat deta hai.
Insaan ko Allah ne sirf jism nahi diya, balkay aql, soch aur imagination bhi di. Isi imagination aur iraday ki wajah se insaan ko baqi tamam makhlooq par foqiat hasil hai.
Jab insaan kisi kaam ka pakka irada kar leta hai, us par yaqeen rakhta hai aur action leta hai, to Allah us ke liye raaste asaan kar deta hai.
Rasool ﷺ ki aik bohat gehri hadees hai:“Allah farmata hai: Main apne banday ke sath waisa hi hota hoon jaisa wo mere baare mein gumaan karta hai.”
Yani agar hum Allah se khair, madad aur kamyabi ki umeed rakhtay hain, to Allah bhi hamaray liye wahi faislay karta hai. Agar hum sirf na-umeedi aur dar mein rehtay hain, to hum khud apne liye cheezein mushkil bana lete hain.
Science is baat ko Law of Attraction ke naam se samjhaati hai ke jaisi soch hoti hai, waisi hi energy aur results zindagi mein attract hotay hain. Lekin asal haqeeqat yeh hai ke yeh concept Islam mein pehle se maujood hai: niyyat, yaqeen aur tawakkul.
Is liye insaan ke liye sab se zaroori cheez yeh hai ke wo apni soch ko chhota na rakhe, apni qeemat ko samjhe, aur Allah par poora yaqeen rakhe. Kyun ke jab banda irada karta hai, mehnat karta hai aur Allah se achha gumaan rakhta hai to namumkin bhi mumkin ho jata hai.
I hope you find this post Helpful.
12
6 comments
Power of Human Intention & Belief
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by