7h • Notes 📝
Control your desire control your life notes
Nafs ka Matlab
Nafs ka matlab hai apna faida, apni ego, apni hifazat aur har baat mein “main main” karna. Nafs insaan ko apni khwahishat ki taraf kheenchta hai.
Nafs ki Teen Qisamain
Nafs e Ammarah
Yeh nafs insaan ko burai ki taraf kheenchta hai aur gunnah ko acha bana kar dikhata hai۔
Nafs e Lawwamah
Yeh nafs ghalti ke baad insaan ko malamat karta hai aur ehsaas dilata hai ke yeh ghalat tha۔
Nafs e Mutmainnah
Yeh woh nafs hai jo Allah ki raza mein sukoon mehsoos karta hai۔
Nafs aur Insaani Fitrat
Nafs insaan ke andar mix elements ka majmua hai۔ Jaise body humein protect karti hai۔ Agar hum zyada jaag lein to body khud signal deti hai ke so jao warna thakan aur bemari ho sakti hai۔
Akhlaq aur Rawaiya
Humein logon ko gusse se nahi balkay pyar se convince karna chahiye۔ Gussa karna aur bharaas nikalna kamzor logon ki nishani hai۔
Nafs ko Expose Karna
Jab nafs kisi se baat karne se roke
Jab nafs salam karne se roke
Jab nafs sorry kehne se roke
Aisi surat mein nafs ke khilaf kharay ho jao aur face to face us ka kaam karo۔ Apne aap se kaho ke main tumhari baat nahi sunoon gi aur main salam bhi karoon gi aur sorry bhi kahoon gi۔
Nafs ki Negativity aur Energy ka Khatma
Humein nafs ki negative energy ko khatam karna hai۔ Is ke liye Allah Pak aur hamare pyare Nabi Hazrat Muhammad صلی اللہ علیہ وسلم ki seerat ko samne rakh kar chalna hai۔
Shaitan ka Kirdar
Shaitan dala hua khayal insaan ko seedhay rastay se hata deta hai۔ Shaitan aap ki attention divide karta hai۔ Is liye apni thoughts ko control karna bohat zaroori hai۔
Nafs ko Control Kaise Karein
Quran Pak ki Tilawat
Quran ki tilawat se Allah aap ke andar noor barhata hai۔ Jo shakhs nafs ko control karta hai usay andarooni taqat milti hai۔
Sabr aur Shukar
Sabr aur shukar nafs ki asli dawa hain۔
Roza aur Bhook
Bhook aur pyaas se nafs kamzor hoti hai۔
Nabi Kareem صلی اللہ علیہ وسلم ko Role Model Banana
Apni zindagi ko Nabi Kareem صلی اللہ علیہ وسلم ki sunnat ke mutabiq dhalna nafs ko seedha karta hai۔
Nek Logon ki Sohbat
Nek logon ke sath baithne se nafs burai se door hota hai۔
Wo Situations Jahan Nafs Zyada Active Hota Hai
Jab insaan akela ho aur koi dekhne wala na ho
Jab insaan thaka hua ho
Jab insaan udaas ya mayoos ho
Jab insaan ghuroor mein ho jaise maal dolat experience ya apni nekiyon par fakhar
Jab rok tok karne wala koi na ho
In Situations ke Solutions
Niyat Saaf Rakho
Har amal sirf Allah ke liye ho۔
Daily Analysis
Har din apna jaiza lo ke kya aaj maine apne nafs ko Allah se upar to nahi rakha۔
Nafs ke Khilaf Amal
Jab nafs kahe gussa karo to khamoshi ikhtiyar karo۔
Jab nafs kahe foran react karo to sabr karo۔
Jab nafs kahe kaam delay karo to foran kaam shuru kar do۔
Allah se Dua
Allah se yeh dua karni chahiye
Ya Allah mere nafs ko mujh se door kar de
Ya Allah mere nafs ki lazzat aur kashish mujh se cheen le
Fajr aur Faisla
Mera nafs mujhe Fajr ke liye uthne nahi deta۔ Main Allah ki madad se is nafs ki energy ko
kam karne ki koshish karoon gi aur is ki limits set karoon gi InshaAllah۔
4
8 comments
Control your desire control your life notes
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by