من جرائم ال HR في ال Interview 1- انك تستدعي حد للأنترفيو وانت ماقرأتش CV بتاعه. 2- تستدعي حد خبرة للأنترفيو وتعرض عليه مرتب أقل من خبراته وأنت عارف إنه هيرفض. 3- تستدعي ناس لأنترفيو وانت محدد هتختار مين من الأول. 4- تقول للشخص هنبقى نتواصل معاك ، وماتتواصلش معاه بالإيجاب أو بالسلب. 5- تسأله أسئلة تافهة في الأنترفيو مالهاش علاقة بالوظيفة. 6- تسأله عندك كام سنة والسن قدامك في ال CV. 7 - تسأله في فنيات شغله وانت ماتعرفش عنها حاجة. 8- تجيب حد من مكان بعيد، وبعد كده تقوله إنت اترفضت بسبب بعد السكن. 9- ترفض حد بعد الأنترفيو لأنه اوفر كواليفيد وهو بعتلك السي في من الأول. 10- تدي لحد معاد ولما يجي تخليه قاعد للأخر. اللى بيعمل حاجة من اللي فوق دول ماهو إلا مقاول أنفار غشيم وخسارة فيه title HR