3h • Notes 📝
Learn to Be an Anonymous Friend
Assalam-u-Alaikum
■ Goum naam Dost bana sekhe
■ "NAYA DOUR AUR SURVIVAL KA RAASTA" 🌍🛡️
□ Shayad main ne pehle bhi 1-2 nasheston mein ek baat arz ki thi
ke hum jis tarah ke khatraat mein gir chuke hain
peechay pesh aanay wali aazmaishon se aur challenges se bilkul mukhtalif hain.
□ Haal mein apne aap ko 2 pehluon se survival ke laiq banaye rakhna
ye ab "Nayi Tazabeer" ka taqaza karta hai. ✨
□ Nayi Tazabeer se murad ye hai
ke purane usool par rehte rehne ke liye
ab humein kuch nayi tazabeer ikhtiyar karni parein gi.
□ Aur ek aese azam ke sath, ek aese irade ke sath
jese hum "mit jaane se bachne"
aur "maujud ho jaane" ki koshish kar rahe hon. 💪
□ Ye is se kam ka masla nahi hai
ke ye challenges un quwaton ke zariye paida hue hain
□ Jin quwaton ki taraf se hamare saamne rakh diye gaye hain
baghair laaye jung, baghair laaye dushmani.
□ To wo challenges jo hain,
pehle unki durust samajh leni chahiye.
Aur ye na ho ke main aag ko keechar samjhun,
keechar se bachne wale joote le aaun
aur wo pehn kar aag mein chalne lagun 🔥👟❌
□ To pehle is maslay ko samajhna chahiye.
Phir usay samajh kar, uske nateeje mein
apne "Fashion of Being" ko apna morcha banana chahiye.
Apni hifazat ka banana chahiye.
□ Fashion of Being se murad ye hai:
"Main insan hun aur musalman hun" 👤☪️
Main insan ki haisiyat se,
musalman rehte hue yahan se guzarna chahta hun.
■ "YE KAISA DOUR HAI?" ⏳
□ Hum kis daur se, jis daur tak aazmaish se guzar rahe hain
wo "Har Cheez ki Nayi Definition" ka daur hai.
□ Matlab har cheez define hogi
baghair kisi ilmi perspective ko ikhtiyar kiye,
baghair kisi nazariyati pabandi ko qubool kiye.
□ Kya har cheez ko apna taskha khush badalna hai?
Insaan samet?
Apna maqsad badalna hai? Sab ko? Insaan samet?
Apne maani tabdeel karne hain? Sab ko? Insaan samet?
□ To ye itna khaufnaak manzar hai
ke isay dekhne ke liye jo humare andar
darnay ki jo salahiyat hai wo bhi kam hai. 😔
□ 20vi sadi jo thi, jo pichli sadi guzri hai
usmein dusri jang-e-azeem ke baad khaas tor par
insaan se mayusi aayi.
"Given insaan" se mayusi.
□ Insaan ko banane ki khwahish ne izhaar paya
philosophy mein bhi, adab mein bhi, fine arts mein bhi.
□ Unho ne kaha:
□ "Ye insaanon ki ijtimaiyat par inhesar karne ke nateeje mein
ye tabahiyan phailti hain.
Ke insaan qaum ban kar, mulk ban kar
ek dosray se takrata hai."
□ Is liye kuch log nikle
ke ab insaan ki "infiradiyat" ko bahaal karna hai.
Taake agar insaan apni infiradiyat ko
art aur creativity explore karne mein laga de
to phir wo bahar ki duniya ke liye khatarnaak na rahe.
■ Isi se ek theory paida hui, usay kehte hain. ■Individualism
□ Total Individualism ka matlab ye hai:
Har aadmi apni aur apni duniya ka
jese khud mukhtar hakim hai 👑
Wo jo kuch bhi karega,
wo apni infiradiyat ki tameer jari rakhne ke amal ke tor par karega.
□ Is khwahish par zahir hai
ke ye khwahish istemal aur social ordering waghera se beniyazi ki halat mein hai.
Lihaza is par koi "sahi-ghalat" ya "mufeed-namufid" ya "akhlaqi-ghair akhlaqi" ka hukum nahi lagaya jayega.
□ Result kya nikla?
Insaan ke "Elements of Definition" bilkul maayam par gaye.
Must ho gaye. Irrelevant hote chale gaye.
□ Ab aadmi ka maqsad sirf 1 reh gaya: "Lazzat"
Lazzat milne ki halat mein bhi, aur na milne ki soorat mein bhi.
□ Iske nateeje mein jo bohran, jo nafsiyati
aur tehzeebi paida hue...
ye sadi, ya yun keh lein dusri jang-e-azeem ke baad ka zamana
□Europe waghera mein nafsiyati amraz ke ferist mein la-mahsus izafe ka zamana hai.
■ "CAPITALISM NE KYA KIYA?"💰
□ Lekin maidan mein maujud jo freak tha
usmein kamyabi usay mili
jo dono theories mein se kisi ka bhi hami ya mukhalif nahi tha.
Aur wo hai: "Capitalism"
□ Capitalism ki wajah se
individualism phaile ya wo collectivist ho
wo to jese bas chand par baitha hua hai
ke range mein kaun aata hai.
Usay wo ek hi waqt mein individual bhi bana sakta hai
aur usi aan mein wo collectivist bhi bana sakta hai.
□ Capitalism ne pehli martaba
infiradiyat ko bhi mufeed bana diya.
Kyunki market value jo bani thi wo bana di.
Aur bazaar mein jo dam barhana tha wo bhi barha diya.
□ Usne in dono ko apni commodity bana kar
inhein zeenat-e-bazaar bana diya.
□ Ab uska ye nateeja hai ke hum bhugat rahe hain:
Hamare apne baare mein tasawwur mein
koi crystallization nahi reh gayi.
Ke hum... hum keh sath ye na jaan sakte hain,
na bata sakte hain, na mehsoos kar sakte hain
ke "hum kya hain?" 🤔
□ Capitalism ne sabr ko generate karne wala
jo collective idea tha, wo kabadiyon ko bech diya.
Humare liye jo qeemti cheez thi wo unko bech di.
Aur jo hamare liye adna darje ki cheez thi
unhein heere-jawahirat banwa kar
unki qeemat barha di.
■ "AAJ AADMI KYA BAN GAYA?"🤖
□ Aaj aadmi ek badi machine ke purze ki tarah ban kar nahi reh gaya?
Jiska koi baat nahi hota.
□ Jitna aap bara officer banenge,
utna hi bara ghulam banenge.
□ To machine ka purza ban gaye hain.
Matlab hamari koi baat nahi hai.
Aur hamara "baat" hi ehsas ka generator hai.
Agar yehi nahi raha to kya individual aur kya collective...
sab beimani hai.
■ "HAL KYA HAI? 2 CHEEZEIN" 💡
□ 1. Fashion of Being
□ Insaan rehta rehta apna "insaan hona" refresh karta rehta hai.
Tareekh insaanon se yehi sab se bara amal karwati hai:
□ "Apne aap ko taza rakho.
Jo hissa murjha jaye usay kaat do.
Nayi cheez, naye paani ki zaroorat ho to
naya chashma dhoondo" 🌊
■ 2. Taalluq ko Fitri Rakho 🤝❤️
□ Ab sochne ki mohlat itni nahi hai.
□ Ab bas utho aur kuch kar guzaro.
□ Wo ek baat jo main ne pehle bhi kahi thi,
aaj bhi pas-e-manzar ko badal kar arz kar raha hun:
□ "Taalluq ko fitri rakho.
Taalluq ko apni sab se badi salahiyat samjho
aur maano aur isay istemal mein rakho."
□ Taalluq artificial na ho. Masnooyi na ho.
Taalluq jese growth ke amal mein ho.
Organic order mein ho. Fitri ho. Virgin ho.
Selflessness ke sath ho.
□ Taalluq ka pehla kaam kya hai?
Ke jo mere andar taskeen paida karne wala ehsas hai
usko musalsal jari rakhta hai.
□ Aur taalluq aage chal kar mujhe ye realize karwata hai:
□ "Dosra yani mera dost, mera parosi
ya koi bhi dosra... wo meri hi tauseef hai"
■ Insaniyat ek baagh hai 🌳
□ Usmein hazaron oonche-neeche darakht hain.
Us baagh mein 1 darakht aesa hai
jisay musalsal paani na diya jaye
to poora baagh viraan ho jayega, sookh jayega.
■ Aur wo darakht hai: "Taalluq ka darakht"
□ Agar ye murjha gaya to tehzeeb khatre mein hai.
Deen bhi khatre mein hai.
Kyunki deen bhi sab se zyada jis salahiyat ka taqaza karta hai
wo salahiyat-e-taalluq hi hai.
■ "ABHI KYA KARNA HAI?" 🚨
□ Apne bachon ko bachana hai.
Apni agli naslon ko mehfooz rakhna hai.
Unke insan hone ko aur musalman hone ko
kam az kam darje par bhi mehfooz rakhna hai
□ To ye kaam karna hoga:
□ "Taalluq ko fitri rakho.
Khali surakh ko virgin rakho.
Jese jibilli cheez hoti hai
ghatiya ho ya kuch bhi, wo zinda rehti hai
aur bohot shiddat se present rehti hai."
□ Aur ye har aadmi kar sakta hai. Ba-Khuda har aadmi kar sakta hai.
Jiske paas sirf 2 saans lene ka waqt hai
wo bhi khud ko badal sakta hai.
□ Apke bache hain, apke rishte hain,
apke dost hain, apke parosi hain, apke colleagues hain.
Unke circle mein ronak rakho. Shahzadi rakho.
Chamke chamak rakho. Zindagi rakho ✨
□ Circle jo hai wo paros se shuru hota hai.
Aur global banne wali harkat
uske andar khud ba-khud paida ho jati hai.
□ Iske liye "Mohabbat karna seekho" ❤️
Mohabbat wo hoti hai
□ jo dil ko galay mein dhadakne par majboor rakhti hai.
□ Mohabbat wo quwwat hai
□ Jo jiblton ko zinda karne wali quwwat hai.
Mohabbat wo nemat hai
□ Jo apne aap ko qurban karte rehne par
majboor-o-mail aur raghib kar deti hai.
□ Jisko chhodna pakarne se zyada mehboob ho.
Jo dekh kar zyada khush hota ho lene ke bajaye
to wo insan ki primary definition qualify karta hai.
□ Aur sab se bari selflessness ki daleel kya hai?
Gumnami👤
□ Jo gumnami ko pasand karta hai
aur inqilabi jadd-o-jehad mein rehta hai
us se zyada selfless kaun hoga?
■ 1 LINE NICHOD 💎
□ "Duniya humein ya to 'Main' bana kar tanha kar rahi hai, ya 'Machine ka Purza' bana kar ghulam. Bachna hai to 'Taalluq' ko zinda rakho. Kyunki Taalluq ke baghair na Deen bachega, na Tehzeeb, na Insaan"
1
2 comments
Learn to Be an Anonymous Friend
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by