Dec '25 (edited) • Daily Journal 📓
Daily journal Day 8 27 dec 2025
🌼 Journal – Mayoun Day 🌼
🕐 Sleep: 1:00 AM
⏰ Wake-up: 6:45 AM
🛌 Total Sleep: 5 hours 45 minutes
🌅 Morning Routine
• Fajar padhi
• Pani garm kia peeny ke liye
• Tablet khai
• Bal brush kiye (raat ko nahaya tha)
• Face par lotion lagaya
• Vaseline lagai
• Qur’an read kia
• Morning azkar padhe
Phir lyt gai, phone par journal likhna start kia.
🕗 8:00 – 11:00 AM
Sony ke liye 8 baje leti hi thi ke bhai aa gaye Fabeeha ko le kar (my niece).
Uske sath khelne lag gai.
Thori dair sab ke sath nashta kia:
• Saag wala paratha
• Chai
• Dahi
Phir dress change ki, room set kia.
Cupboard mein cheezein bikhri hui thi, unhein set karna start kia,
beech mein hi bhai ne sab ko bula liya.
Bhai ne gifts diye 💝
🕚 11:00 AM – 3:00 PM
Sister aur bhabi bahar jana tha, to Fabeeha ko mere paas chhor gaye.
Babies ko sambalna ek tough kam hai
lekin maine koshish ki usay entertain bhi karoon, khail bhi rakhon.
Mujhe bohat neend aa rahi thi,but so ni sakti thi baby ki waja sy .
🕓 4:00 – 9:00 PM
Ghar mein raat ke function ki tayyariyan chal rahi thi.
🕕 6:00 PM
Main tayar hui apni sister ki moyoun ke liye.
Mehman kaafi late aaye, 8:15 tak.
Is se pehle family ke sath ja kar enjoy kia,
pictures li 📸
Sister ki moyoun ke baad meri thi,
11:30 ho gaye thay.
Sister ke susraal walay khana khane lag gaye,
maine thora taste kia lekin theek se khaya nahi
aur apni moyoun ke liye tayar hone lag gai.
🕛 12:00 – 12:30 AM
Meri moyoun start hui —
sirf family function tha.
✨ Alhamdulillah, sab acha ho gaya.
2 bjy tak mehman chaly gy thy.
🌙 3:00 – 4:00 AM
Dress waghera change ki,
face wash kia,
lyt gai — bohat thakawat ho chuki thi.
Lekin bhook bhi lag rahi thi.
Maine dinner nahi kia tha.
Mera dil ghar ke chawal khane ko kar raha tha
jo dopahar ko bane thay.
Raat ke khane mein sab kuch bahar ka tha,
different dishes,
lekin aaloo mattar wale chaval nahi mile 😭
Upar wali fridge mein bhi dekha ,nahi thay.
Mujhe itna gussa aa raha tha
aur rona bhi saath saath.
Aansoo nikal aaye.
Waise hi thori emotional hoi thi.
Bilkul bachon jaisi zid ho gai thi
jaise chaval abhi nahi mile to
kuch ho jaye ga,
jaise main koi cheez tor doon gi
ya kisi par gussa nikaal doon gi.
Mujhe pata tha ke mere emotions meri zimmedari hain,
mujhe apna mood khud theek karna hai,
lekin us waqt bas control karti rahi
ke itni raat ko kisi ko tang na karoon
aur na hi kisi ko jagaoon.
☕ Emotional Handling
Phir apne liye chai banai.
Emotions abhi bhi waise hi thay.
Aaj gift mein mujhe Qur’an Pak mila tha,
samne pada tha.
Maine uthakar khola aur dekhte hi phir aansoo aa gaye.
Maine Surah Fatiha ki 1–3 ayat padhi:
Alhamdulillahi Rabbil Aalameen..
Mujhe shukar karna tha apne Rabb ka,
kyun ke Allah shukar karne walon ko pasand karta hai.
Qur’an band kia aur journal likhna shuru kar diya,
kyun ke main apne emotions likh kar handle kar sakti hoon.
✨ Alhamdulillah…
🕓 Time Now: 4:10 AM
Ab main behtar feel kar rahi hoon.
Chaval na milne ka dukh bhi kam ho gaya hai 😂
Haha — chaval hi to thay ! Duniya mai to bht kuch ni mil pta
🤍 Wins
Alhumdulilha din ka start jiysa socha tha waysy hi kia
Alhamdulillah muj kud ky bary mai samj arhi hai ,apny pattern or apny emotions,or onko kysy thk krna oski bi Khoish start ki hai.
1
0 comments
Daily journal Day 8 27 dec 2025
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by