Assalam-o-Alaikum! Jab main 4 baj kar 20 minute par bedar hua to namaz parhi aur tilawat-e-Quran ki. Uske baad dobara so gaya aur nashta nahi kar saka. Jab dobara bedar hua to fresh hua, shower liya aur tayyar ho kar hostel ki taraf rawana ho gaya. Hostel pohanch kar sabse pehle nashta kiya. Uske baad Idrees bhai aaye, mobile se sim nikal kar Idrees bhai ki madad se laptop mein apne accounts, khaas taur par WhatsApp, login kiye taake mobile ki kharabi ki wajah se mera kaam ruke na. Jaisa ke aap jaante hain ke mere mobile mein thori kharabi aa gayi hai, is liye woh abhi tak isi halat mein para hai. Kaafi waqt ke baad, taqreeban sadhe gyarah baje, jab kaam mukammal hua to skool.com khola, kuch messages bheje aur chand comments ke jawabat diye. Uske baad dopeher ka khana khaya aur qailoola karne chala gaya. Teen baje uth kar zohar ki namaz ada ki, phir dobara school community par kaam mein masroof ho gaya. Asar ki namaz ke baad apna content tayyar kiya, jo ke Musaddiq Khan urf Bubbly ke mobile camera se banaya aur apne laptop mein edit kiya. Jo thora kaam baaqi reh gaya tha, woh Maghrib ki namaz ke baad mukammal kiya. Isha ki namaz se pehle video upload ki aur phir sone ki tayyari shuru kar di. Today my BIG achievement💪 1: Aaj main ne sara din mobile ke baghair guzara. Zaroorat ke liye jo WhatsApp darkar tha, woh laptop mein login kiya. Sirf ek do calls Ammi se kiin, woh bhi Musaddiq Khan ke mobile mein apni sim daal kar. Kaam ke doraan focus ke liye background music ka sahara liya, jiske liye sirf YouTube istemal kiya. Baaqi sara din Facebook, TikTok aur Instagram ke baghair guzara, jo mere liye ek bohot bari kamiyabi hai. 2: Mera mobile paani ki wajah se thora kharab hai, jis par main rozana content ki video banata, edit karta aur upload karta hun. Lekin mobile ki kharabi ke bawajood main ne himmat nahi hari, balke kisi na kisi jugaar se mobile se video banai, WhatsApp ke zariye laptop mein bheji, wahan edit ki aur phir upload ki. Yeh mere liye ek bari achievement hai ke main ne apni consistency kharab nahi hone di, aur aainda bhi ise isi tarah barqarar rakhne ki koshish karunga.

I'm not feeling well and is ill from yesterday night today i went to hospital 1st time because of my own illness. Remember me in ur prayers

Assalamualaikum all Review my reel your feedback means a lot to me JazakAllah

• Apni energy un kaamon par lagayein jo waqai important hon. • Har baat ya har debate mein involve hona zaroori nahi. • Negative logon or bekaar arguments se door rahen. • Apna time or energy apni growth or goals par focus karein. • Zarurat par "No" kehna seekhein. • Overthinking se bach kar Allah par tawakkul rakhein. • Apni mental. emotional or spiritual health ka khayal rakhein. • Achi sohbat ikhtiyar karein jo aapko motivate kare. • Roz thora waqt ibadat. dua or zikr ke liye nikalein. • Har reaction dena zaroori nahi..kabhi kabhi sukoon se chup rehna bhi hikmat hoti hai.

Assalam-o-Alaikum Aaj sunday ka din tha to is liye main ghar par tha. Main jab aksar ghar par hota hoon to kaam kaaj nahi karta kyunke meri chutti ka din hota hai aur main hafte mein ek din ghar chala jata hoon to is liye main chahta hoon ke sirf family ke sath waqt guzaroon. To main 4:20 subah uthne ke baad namaz, tilawat kar ke dobara so gaya. Kaafi neend ke baad ammi ne jagaya, nashta lagaya aur uske baad apni behnon ke sath gup shup mein masroof ho gaya. Isi asna mein meri saas ki call aa gayi ke hum aa rahe hain, jo meri chachi bhi hain, yaqeenan main bohat khush ho gaya. Uske baad ghar ke chhote mote kaam kiye, market chala gaya, kuch samaan sabzi waghera le aaya. Taqreeban 10-11 baje ke baad saas aa gayin, to jab wo aayin to meri mangetar ne mere liye kuch tohfe bheje the jin mein kapre waghera the, jin ke sath aur samaan bhi tha. Bahrhaal dopeher sarhe 12 baje ke baad qailoole ke liye so gaya, asar teen baje ke baad uth gaya, namaz parhi aur tab saas se tohfe wusool kiye, yaqeenan main bohat khush tha😂 Uske baad Skool.com community ke liye baith gaya, posts kin, kuch comments ke jawab diye, albatta lecture nahi dekh saka kyunke ghar mein mehmaan the to is liye sirf community mein waqt guzara. Asar ki namaz ke qareeb ek ajeeb waqia pesh aaya jise sun kar aap bhi hairaan reh jayenge Wo ye tha ke mera mobile bohat garam ho gaya tha to usko thanda karne ke liye maine ek ahmaqana tareeqa istemaal kiya, wo ye tha ke maine mobile ko plastic ke shopper mein daal kar paani ke mug mein rakha taake jald thanda ho jaye, lekin shopper mein paani chala gaya jo phir mobile ke speaker mein chala gaya aur mobile short ho gaya. Jab mujhe pata chala main ne foran mobile ko paani se nikaal kar sukhane ki koshish ki aur ye koshish ki ke paani mazeed andar na jaye. So is liye maine mobile se sim waghera nikaal ke ek taraf rakh diya aur somwaar ka intezaar karne laga taake hostel ja kar shehar mein kisi marammat karne wale ko dikha kar ise theek karwa sakoon.