Oct 18 • 💬 نقاشات واسئلة
مرحلة الرضا؟
رهام نزلت سؤال عن مرحلة الرضا و معو لينك فيديو بانستا، المهم هاد كان جوابي بعد ما قريت المكتوب (الجواب بالصورة)، و لكن بعد ما حضرت الفيديو تذكرت بعض الأشيا، اني انا مثلا وصلت مرحلة الرضا من ناحية اختصاصي الجامعي مثلا اللي ما كنت مقتنعة فيه
- ملاحظة : حدا طلب مني نزل طريقة معينة لدراستي (فعاد البوست ما دخلو بهداك الطلب) أن شاء الله بنزل الطريقة 😊💫
بالبداية ب2020 ب سنة الكورونا بعد ما تخرجنا ثانوي، بيي سجلني بأقرب كلية و اختصاص (بجامعة الدولة)، و الاختصاص كان كيميا بكلية العلوم، انا بحبها كمادة مش كاختصاص، بعدين اساسا ما كنت عم افهم شي لأنو النت اساسا بلبنان جدا فيه مشاكل خصوصا بهيديك الفترة بسبب الاقتصاد و الكورونا و و المظااهرات و غيييرووو 🙂 و المهم كمان بيي كان مركب ارخص نت يعني اسوأ شي ف النت ضعيف و اساسا تجربة التعليم اونلاين للمعلمين كانت فاشلة، ف ما امتحنت و لا كفيت...
السنة التانية اتسجلت اختصاص ترجمة و لغة إيطالية (كمان بجامعة الدولة) و لكن الاختصاص و الكلية بعيدين، درست و كل شي كان حلو، و لكن بسبب عدة ظروف، يعني غير الاقتصادي طبعا، و هيدي الظروف صحيح كانت مزعجة و لكن كمان بفضل الله كشف عن بعض الأشخاص، ف ما قدرت كمل بسبب كل هالظروف... و غيرو،... فكل هووول قررت اني وقف.. بس اني وقف نهائيا؟!! لا والله!!!
بالسنة اللي بعدها تسجلت علوم اجتماعية، على أساس سجل لغة و أدب عربي، و لكن كان وقته خالص، فرُحت لحدها على كلية العلوم الإجتماعية، قلت يلا بسجل بس كنت خايفة، مرددة ، مع اني كنت بااحثة عن مجال الاختصاص و غيرو، فسألت الطالبات القديمات و اتطمنت
خلصت السنة و بدا الفصل الصيفي، تطوعت شوي مع جمعية اطفال و فجأة جت حرب 23، و مع هيك السنة الدراسية التانية الحمد لله كملتها، خلصت السنة التانية، و اجت السنة التالت بعد حرب 24 على ضواحي العاصمة، فرحنا للعاصمة، و كان فقط فروع الجامعة في منطقتي موقفة بسبب الظروف الأمنية طبعا، و فجأة بلش الضرب عالعاصمة، بعدين بلشت السنة التالتةاونلاين و كنت برا البلد، حاولت ادرس و لكن بالنهاية بلشوا حضوري و امتحانات و انا برا (الحمد لله ما كنت دافعة 🙂🤙)
و هلق الحمد لله عم كفي السنة
الفكرة انو انا بالبداية ما كنت مقتنعة بالاختصاص 💕 و لكن فيما بعد شوي شوي اتقبلته 🌸 و لما وصلت لنهاية السنة الأولى كنت بحبو جدا 💫🌿 و هلق كتيير 🌸
الفكرة كمان مش بس رفض ثم تقبل ثم محبة و حب
لا كمان الفكرة انو انا بحب الأطفال و بحب مساعدة الأطفال ، و من اهدافي اني اساعد لو شخص واحد من ذوي الاحتياجات، و هيدا الاختصاص فيما بعد بيتعمق بهول النقاط، فعنجد الله يعطيك الشي اللي ما تعرف انو هو نسخة منك و يمثلك و الأفضل لك 😍😍😍🥰🥰🥰🌸🌸🌸💫💫💕💕🌿🌿
الفكرة كمان الاختصاص يشمل علوم انسانية و اجتماعية متعددة و انا بخب الشي الشامل و اللي بيعلمنا من كتير اشيا، فسبحان الله حقا
في آية ببالي {وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ ۖ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216].
7
8 comments
مرحلة الرضا؟
powered by
skool.com/sheleads-community-6356
خطوة صغيرة لعالم من الوعي والتطور ✨
💕مجتمع انثوي فيه طاقة تشجعك ونصائح تغيّر نظرتك للبزنس والمحتوى
- Riham Salama
Suggested communities
Powered by