رهام نزلت سؤال عن مرحلة الرضا و معو لينك فيديو بانستا، المهم هاد كان جوابي بعد ما قريت المكتوب (الجواب بالصورة)، و لكن بعد ما حضرت الفيديو تذكرت بعض الأشيا، اني انا مثلا وصلت مرحلة الرضا من ناحية اختصاصي الجامعي مثلا اللي ما كنت مقتنعة فيه - ملاحظة : حدا طلب مني نزل طريقة معينة لدراستي (فعاد البوست ما دخلو بهداك الطلب) أن شاء الله بنزل الطريقة 😊💫 بالبداية ب2020 ب سنة الكورونا بعد ما تخرجنا ثانوي، بيي سجلني بأقرب كلية و اختصاص (بجامعة الدولة)، و الاختصاص كان كيميا بكلية العلوم، انا بحبها كمادة مش كاختصاص، بعدين اساسا ما كنت عم افهم شي لأنو النت اساسا بلبنان جدا فيه مشاكل خصوصا بهيديك الفترة بسبب الاقتصاد و الكورونا و و المظااهرات و غيييرووو 🙂 و المهم كمان بيي كان مركب ارخص نت يعني اسوأ شي ف النت ضعيف و اساسا تجربة التعليم اونلاين للمعلمين كانت فاشلة، ف ما امتحنت و لا كفيت... السنة التانية اتسجلت اختصاص ترجمة و لغة إيطالية (كمان بجامعة الدولة) و لكن الاختصاص و الكلية بعيدين، درست و كل شي كان حلو، و لكن بسبب عدة ظروف، يعني غير الاقتصادي طبعا، و هيدي الظروف صحيح كانت مزعجة و لكن كمان بفضل الله كشف عن بعض الأشخاص، ف ما قدرت كمل بسبب كل هالظروف... و غيرو،... فكل هووول قررت اني وقف.. بس اني وقف نهائيا؟!! لا والله!!! بالسنة اللي بعدها تسجلت علوم اجتماعية، على أساس سجل لغة و أدب عربي، و لكن كان وقته خالص، فرُحت لحدها على كلية العلوم الإجتماعية، قلت يلا بسجل بس كنت خايفة، مرددة ، مع اني كنت بااحثة عن مجال الاختصاص و غيرو، فسألت الطالبات القديمات و اتطمنت خلصت السنة و بدا الفصل الصيفي، تطوعت شوي مع جمعية اطفال و فجأة جت حرب 23، و مع هيك السنة الدراسية التانية الحمد لله كملتها، خلصت السنة التانية، و اجت السنة التالت بعد حرب 24 على ضواحي العاصمة، فرحنا للعاصمة، و كان فقط فروع الجامعة في منطقتي موقفة بسبب الظروف الأمنية طبعا، و فجأة بلش الضرب عالعاصمة، بعدين بلشت السنة التالتةاونلاين و كنت برا البلد، حاولت ادرس و لكن بالنهاية بلشوا حضوري و امتحانات و انا برا (الحمد لله ما كنت دافعة 🙂🤙) و هلق الحمد لله عم كفي السنة الفكرة انو انا بالبداية ما كنت مقتنعة بالاختصاص 💕 و لكن فيما بعد شوي شوي اتقبلته 🌸 و لما وصلت لنهاية السنة الأولى كنت بحبو جدا 💫🌿 و هلق كتيير 🌸

الليلة قررت اكافئ حالي بعد يوم طويل ومتعببببب جدا في شي حلو وزاكي وقررت اعمل كيكة صحية😍 اش في عندك وصفات صحية بتحبي تعمليها بتحسي بترجعلك طاقتك؟🧚‍♀️

انتي في اي مرحلة؟ لساتك في مرحلة النكران والغضب ولا وصلتي مرحلة الرضا! https://www.instagram.com/reel/DP85237DM8W/?igsh=MTBuMTc1d2hwaHhmbw==

‫كلنا بنتعب، بننجز، بنركض…‬ ‫بس قليل نوقف ونحكي: “برافو علي”‬ ‫‬ ‫أنا مؤمنة إن المكافأة مش بس سفر أو هدية كبيرة،‬ ‫أحيانًا فنجان قهوة بهدوء، أو وقت لحالك بدون تأنيب،‬ ‫بيكون أحلى هدية ممكن تعطيها لنفسك ☕️💛‬ ‫‬ ‫أنا مثلاً لما بخلص فترة تعب، بحب أعمل لنفسي طقس بسيط —‬ ‫شمع، ميوزك، ومسلسلي المفضل 🌿‬ ‫بذكر حالي إني استحق الراحة زي ما استحق النجاح ‫طب احكولي إنتو…‬ ‫كيف بتكافئوا حالكم لما تنجزوا شي؟ 💬‬ ‫‬

حابة اتعرف عليكم اكتر❤️🫶🏻 احكيلي مين انتي، من وين اش احلامك وطموحك اش بتعملي حاليا بحياتك 😍❤️ حابة اسمعكم واعرفكم كلكم🔥🔥🔥🥹🌸