Daily Journal – Day #01 · Make $1k-$10k in 30 days

Daily Journal – Day #01

Date: 22 February 2026

Day: Sunday

🌟 One Thing I Want to Remember About Today

Aaj ki sab se important baat jo main yaad rakhna chahta hoon woh yeh hai ke jo kaam main ne beech mein chhor diye thay, unhein dobara start se shuru karna hai — aur is commitment ke saath karna hai ke ab yeh consistency ke saath aage bhi continue rahenge.

Bohat dafa aisa hota hai ke main kisi cheez ko bohat motivation ke saath start karta hoon, lekin phir beech mein chhor deta hoon. Aksar iski wajah mera freelance workload hota hai. Kyun ke main projects akela handle karta hoon, jab workload zyada ho jata hai to mujhe lagta hai ke main un cheezon ko time nahi de paunga jo main ne personal growth ke liye start ki hoti hain. Aur phir woh kaam dheere dheere ruk jate hain.

Lekin ab main ne decide kiya hai ke main roz Daily Journal likhoon ga taake main apni khud ki accountability kar sakoon — ke mera waqt kahan aur kin cheezon par lag raha hai.

💤 Sleep & Wake Time

Main raat ko 3:30 AM soya kyun ke main kaam kar raha tha.Sehri ke liye 5:20 AM par utha, jis wajah se neend puri nahi ho saki.

🌅 Day Start Section

Sehri ke baad main ne namaz ki tayari ki aur Fajr ki namaz ada ki. Uske baad kuch duaein parhin. Neend puri na hone ki wajah se main dobara so gaya.

Main dopahar 12:30 PM utha aur Zuhr ki namaz ada ki.Uske baad main community mein active hua — taqreeban 1 mahine baad properly engage kiya. Main ne posts dekhein, video dekhi aur apne notes bhi share kiye.

Phir Asr ka waqt ho gaya aur main namaz ke liye chala gaya. Namaz ke baad ghar ke liye kuch zaroori cheezen leni thi, is liye seedha bazar chala gaya.

Wapas aate hi iftar ka waqt qareeb tha. Main ne sab ke saath mil kar dastarkhwan lagwaya aur phir roza iftar kiya. Uske baad Maghrib ki namaz ada ki aur thori dair rest kiya taake Isha aur Tarawih ke liye ja sakoon.

Main ne Isha aur Tarawih ki namaz ada ki aur phir ghar wapas aaya. Thora sa khana khaya aur phir dobara community mein engage hua.

🎯 Most Important Tasks

Aaj se mujhe dobara un sab cheezon par kaam shuru karna hai jo main ne chhor di thi — aur unhein proper tareeke se follow karna hai.

Community posting dobara start karni haiVideos ko dobara start se dekhna hai taake jo concepts pehle miss ho gaye thay unhein recall kar sakoon aur strong grip bana sakoon.
Roz Daily Journal likhna haiYeh ensure karna hai ke koi bhi din miss na ho.Aaj likhte hue mujhe mehsoos ho raha hai ke journal likhne se mind kitna free ho jata hai. Warna poora din sirf ek hi cheez ke baare mein sochte rehte hain.Agar mind ko clutter se free karna hai to Daily Journaling best solution hai.
Freelance projects ki deadlines meet karni hainJitne bhi projects due hain, unhein complete karke time par deliver karna hai.

✅ Day Close Section

🏆 Wins of the Day

Aaj ki sab se bari win yeh hai ke main ne kal par kaam nahi dala.Main roz sochta tha ke “kal se shuru karoon ga”, lekin aaj main ne decide kiya ke shuruat aaj se hi hogi — kal se nahi.

Aur main ne dobara un cheezon par kaam start kar diya jo main ne beech mein chhor di thi.

🕌 Prayer Times