13d • Tips & Resources💡
Aik Journal Ne Mujhe Jhunjhor Diya — Aur Me Ye Baat Aap Se Share Karna Chahta Hun!
Me psychology ka graduate hun, aur insan ki psychology ko deeply samajhna meri aadat hai.
Aaj mne community me aik journal post parhi — routine boht zabardast, full day productive, Ma Sha Allah.
Lekin last line ne rok diya:“Progress normal hi thi.”
Yahin se aik realization hit hui…Aur shayad ye baat hum sab ko sun’ni chahiye.
🔹 The Hidden Trap: Perfectionist Mindset
Aaj ka daur hustle culture ka daur hai.Jahan hum roz sun’te hain:
“Work work work.”“Excellence. Perfection. Productivity.”
Is pressure me hum apne dimagh ko program kar lete hain:“Jab tak main perfect, flawless pace se kaam na karun… tab tak meri progress zero hai.”
Ye hi perfectionist trap hota hai.
Psychology batati hai ke perfectionism aksar self-worth ko kaam se jor deta hai —aur phir insan apni choti choti wins ko “normal”, “nothing special” keh ke ignore kar deta hai.
🔹 Qur’an & Seerah Ka Arsey Se Paigham
Allah Qur’an me farmata hai:
“Allah tumhari mehnat ko zaya nahi karta.”
Yani Allah har effort count karta hai — bari ho ya choti.
Aur Rasool Allah ﷺ ne farmaya:
“Allah ko sab se pyara amal wo hai jo regular ho, chahe woh chota hi kyun na ho.”
Yani consistency > perfection.
Lekin hum…Consistency ko “normal” aur “kuch khaas nahi” keh kar khud hi demotivate ho jate hain.
🔹 Meri Personal Realization
Sach ye hai…Me khud bhi kabhi kabhi isi perfectionist approach se tang ho jata hun.Insan jab choti wins ko ignore karta hai — tu baad me motivation bhi mar jati hai.
Aur jab hum apni small wins ko acknowledge karna start karte hain…to woh compound hoti hainaur kal ko big wins ban jati hain.
🔹 A Simple Reminder for All of Us
Agar aap aaj 10% improve hue — ye bhi progress hai. Agar aap 1 habit follow kar paye — ye bhi boht bara step hai.
Stop calling your progress “normal.”Start calling it “growth" and celebrate your small wins like said by
@Haroon Khalil Bhai
Kyunkay Allah bhi aap ke chote qadam ko dekhta hai.Bas hum hi khud ko nahi dekhte.
16
33 comments
Aik Journal Ne Mujhe Jhunjhor Diya — Aur Me Ye Baat Aap Se Share Karna Chahta Hun!
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by