5h • Daily Journal 📓
21.1.2026
Aaj ka din bohat zyada udaas tha. Aaj mujhe ek janazay par jana para, lekin yeh koi aam wafat nahi thi. Yeh woh wafat thi jo shayad insaan marne ke baad bhi bhool nahi pata.
Ek jawan larka… apne maa baap ka akela beta, aur apni 4 behnon ka akela bhai. Jiski job lage hue sirf chaar din huay thay, aur phir ek achanak haadsey mein woh is duniya se chala gaya.
Is gham ko alfaaz mein bayan karna mere liye bohat mushkil hai. Kal jab hum safar kar ke unke ghar pohanche aur wahan ke halaat dekhe, to mere dil mein sirf ek baat baar baar goonj rahi thi:
Zindagi kuch bhi nahi, siwaye us ke jo hum kama kar le jaate hain.
Aur yeh kamai duniya ke liye nahi, balkay aakhirat ke liye hoti hai. Allah aur uski raza ke liye ki gayi koshish hi asal kamai hai. Insaan jitna bhi plan kar le, jitni bhi tayyari kar le, pal bhar ka bhi bharosa nahi hota.
Aaj ke manzar ne mujhe ek bohat bara sabaq diya. Haan, humein apne har kaam mein planning zaroor karni chahiye, lekin aaj mujhe yeh baat gehrai se samajh aa gayi ke final planning sirf mere Rab ki hoti hai.
Yeh din mujhe hila gaya, lekin saath hi mujhe apni zindagi ka rukh dobara sochnay par majboor kar gaya.
7
14 comments
21.1.2026
powered by
skool.com/make-1k-5k-in-30-days-8449
Media Valley School is the fastest way to hit $1K/month with freelancing or agency work. Guaranteed.
Land your first $1K month in 30 days
Suggested communities
Powered by