قبل تدفع ريال، لازم نجهز "الأرضية". في هالمرحلة بنشرح كيف تنشئ حساباتك الإعلانية بشكل صحيح، توثق هويتك عشان تتجنب الإغلاق، وتجهز موقعك تقنياً عشان يستقبل العملاء بدون مشاكل. الأساس القوي يعني حملات مستقرة.

الإعلان بدون تتبع = حرق فلوس بالظلام. هنا بنسوي أخطر وأهم خطوة: ربط أدوات جوجل (GTM, GA4) ببعض، وتعليم "خوارزمية جوجل" وش يحسب لك كـ بيعة أو عميل محتمل. بنحول موقعك لنظام يقرأ تحركات العميل بدقة.

التخطيط نص الفوز. قبل تطلق، لازم تعرف مين تستهدف. هنا بنتعلم كيف "نصيد" الكلمات المفتاحية المربحة، كيف نتجسس على المنافسين ونحلل إعلاناتهم، وكيف نرسم هيكل الحملة عشان تضمن ظهورك للعميل الصح في الوقت الصح.

جوجل وصل العميل لك، بس مين يقنعه يضغط؟ هنا اللعب على النفسيات. بنشرح سيكولوجية العميل، وكيف تكتب عناوين (Headlines) ووصف (Descriptions) جذابة تخلي العميل يترك المنافس ويدخل موقعك أنت.

جا وقت التنفيذ العملي. خطوات "كليك-باي-كليك" لإطلاق جميع أنواع الحملات: حملات البحث (Search)، التسوق (Shopping) للمتاجر، وحملات الخرائط والاتصال. بنمشي معك لين تضغط زر "نشر" وأنت واثق.

أطلقت الحملة؟ الشغل الحقيقي يبدأ الآن. هنا بنتعلم كيف "تنظف" حملاتك من النقرات الوهمية والكلمات السلبية، وكيف تحسن نقاط الجودة (Quality Score) عشان تقلل تكلفة النقرة وترفع أرباحك.

حمل وانسخ: قوالب متابعة (Excel)، سكربتات، قوائم تحقق (Checklists) جاهزة للتطبيق.