‫أخيراً.‬ ‫‬ ‫Claude Design صار جوّا Claude Desktop، وهاد بيعني إشي واحد بس: كل شغلك صار بمكان واحد.‬ ‫‬ ‫قبل هيك كنت عايش بين النوافذ. الـ Chat بمكان، الـ Code بالـ terminal، التصميم على tab تاني بالمتصفّح، والـ Cowork لحاله. كل أداة بنافذة، وإنت طول اليوم تتنطّط بيناتهم. هاد الـ context switching بياكل من وقتك وتركيزك أكتر مما بتحس.‬ ‫‬ ‫هلأ على الـ Desktop: Chat و Cowork و Code و Design، كلهم بنفس التطبيق وبنفس الشاشة.‬ ‫‬ ‫والشي اللي بيربطهم فعلياً: /design-sync.‬ ‫‬ ‫الـ design system تبعك بينحط مرة وحدة، وأي شاشة بتبنيها بالـ Design بتبدأ من الـ components الجاهزة عندك مش من الصفر. ولما التصميم يجهز، بتعمله handoff لـ Claude Code وهو بيكمّل من نفس الشغل، مش من screenshot. صار عندك خط واحد متواصل: من الفكرة بالـ Chat، للتصميم بالـ Design، للكود بالـ Code، كله بدون ما تطلع برّا التطبيق.‬ ‫‬ ‫هاد مش مجرد "ميزة جديدة". هاد إلغاء للتنقّل اللي كان بيكسر شغلك كل يوم.‬ ‫‬ ‫تنبيه: لسا beta، فلو فريقكم رح يصمّم سوا، الـ multi-person editing لسا أساسي وممكن ما يضبط تمام لهلأ.‬ ‫‬ ‫نقطة مهمة لإلكم: كل اللي غطّيناه بـ Claude for Everyone لسا شغّال وصحيح مية بالمية. الفرق الوحيد: بالتدريب كنا مضطرين نعمل الـ sync للـ design يدوي، خطوة منفصلة لحالها. هلأ مع الـ capabilities الجديدة، هاي الخطوة انلغت: كله بيصير بمكان واحد، بدون أي manual sync. نفس الـ workflow، بس أسرع وأنضف.‬ ‫‬‬

https://www.skool.com/entrepreneur-oasis/classroom/4f039d15?md=3178ef53b3524d39b75dcedd5e112cb8 ‫: إطلاق الساعة الأولى‬ ‫‬‫‬ ‫نزلت أول ساعة من «كلود للجميع» (Claude4Everyone)، وإن شاء الله بنهاية الأسبوع التدريب كامل عَ Skool.‬ ‫‬ ‫هاد مش شرح ميزة ميزة. هاد مسار متكامل، درجة درجة، بيغطّي 100% من كلود، من الصفر لحد موقع شخصي حي عَ الإنترنت:‬ ‫‬‫‬ ‫كلود المجاني: افتح حساب claude.ai مجاني، واتعرّف عَ الواجهة وكيف تطلب صح.‬ ‫‬ ‫ركّب «دماغ كلود» (Claude Brain): إطار جاهز تعلّم فيه كلود مين إنت مرة وحدة، فيتعامل معك بطريقتك بكل محادثة بعدها. هاي أهم 5 دقائق بالمسار كله.‬ ‫‬ ‫المشاريع والـ Artifacts: نظّم شغلك بمساحة إلها ذاكرة، وحوّل موجّه واحد لخمس تصاميم كاملة لصفحتك الشخصية.‬ ‫‬ ‫الترقية لـ Claude.ai Pro: رسائل أكثر، نماذج أقوى، ومزايا مدفوعة بتفتحلك الباب الجاي.‬‫‬ ‫‬ ‫Claude Design: عرض تقديمي كامل وملف PPTX جاهز للتحميل، من محادثة وحدة.‬ ‫‬‫‬‫‬ ‫Claude Desktop: تنزّل كلود عَ جهازك، وتنقله من «يحكي» لـ «يشتغل».‬‫‬ ‫‫‬ ‫Cowork: كلود يفتح ملفاتك، ينظّمها، ينشئ مستندات، وينفّذ مهام كاملة عَ جهازك. وهون كمان تركّب دماغه عَ مستوى التنفيذ بملف التعليمات (CLAUDE.md).‬ ‫‬ ‫المهام المجدولة (Tasks): كلود يشتغل وإنت نايم؛ مهام تتكرر بدونك، زي ترتيب البريد وملخص الصبح.‬ ‫‬ ‫المهارات والإضافات (Skills + Plugins): توظّف خبراء جاهزين لكل مهمة، أو تبنيهم من الصفر.‬ ‫‬ ‫تحليل البيانات: من ملف Excel خام، لـ insights، للوحة تحكم تفاعلية.‬‫‬ ‫‬ ‫Claude Code: تبني موقعك الشخصي وتنشره على Netlify بأقل من 60 دقيقة، وبدون ما تكتب سطر كود بإيدك.‬ ‫‬ ‫كل خطوة تطبيق عملي عَ الشاشة، والدليل الكامل خطوة بخطوة متوفّر معها.‬ ‫‬ ‫جرّبوا الساعة الأولى، وحابب كتير اسمع رأيكم قبل ما ننزّل الباقي. ملاحظاتكم بتفرق معي فعليًا. ‬

‫ في بحث حديث من Anthropic عن أثر الذكاء الاصطناعي على سوق العمل، في رسم مهم جدًا لازم نوقف عنده (مرفق).‬ ‫‬ ‫الأزرق في الرسم يوضح ما يستطيع الذكاء الاصطناعي فعله نظريًا.‬ ‫‬ ‫الأحمر يوضح ما يتم استخدامه فعليًا اليوم.‬ ‫‬‫‬ ‫والخلاصة بسيطة:‬ ‫‬ ‫نحن لسه في أول الطريق.‬ ‫‬ ‫المشكلة اليوم ليست أن الذكاء الاصطناعي “ما يقدر”.‬ ‫‬ ‫المشكلة أن أغلب الناس لا تملك النظام، العملية، والـ SOPs التي تحول هذه القدرة إلى إنتاج حقيقي.‬ ‫‬‫‬ ‫وهذا بالضبط موضوع أول لقاء مباشر للكوميونيتي.‬ ‫ ‫يوم الثلاثاء 23 يونيو‬ ‫‬ ‫من 7 إلى 8 مساءً بتوقيت الإمارات GST‬ ‫‬ ‫اللقاء مفتوح لكل أعضاء المجتمع.‬ ‫‬ ‫في هذا اللقاء رح نغطي عمليًا:‬ ‫‬‫‬ ‫1. كيف تستخدم كلود كـ Operator و Advisor و Admin إلك‬ ‫‬ ‫مش كأداة دردشة فقط. كمنفذ يساعدك ينجز، كمستشار يساعدك تفكر، وكـ Admin يساعدك يرتب شغلك اليومي.‬ ‫‬‫‬ ‫‬ ‫2. متى تستخدم Gemini ومتى تستخدم ChatGPT/Codex‬ ‫‬ ‫رح أشارككم الـ SOP الشخصي تبعي: متى أروح لكل أداة، وليش، وكيف ما تضيع بين الأدوات.‬ ‫‬ ‫3. شو يعني AI Operating System إلك أنت‬ ‫‬ ‫مش فقط للشركات الكبيرة. كل صاحب مشروع، فريلانسر، أو باني MicroSaaS لازم يكون عنده نظام تشغيل شخصي بالذكاء الاصطناعي.‬ ‫‬‫‬ ‫‬ ‫4. العملية الصح للإنشاء باستخدام كلود‬ ‫‬ ‫من الفكرة، إلى الترتيب، إلى التنفيذ، إلى المخرج النهائي. بدون عشوائية وبدون تجربة 20 برومبت كل مرة.‬ ‫‬‫‬ ‫‬ ‫قبل اللقاء، تفرجوا على تدريب Claude4Everyone المجاني. اول ساعة نزلت. ضايل ٣ ساعات رح تكون متوفرة بالكامل بنهاية الاسبوع https://www.skool.com/entrepreneur-oasis/classroom/4f039d15?md=33a4091e6fb1401c9557ca79e459b8d6‬ ‫‬ ‫تعالوا للـ call وأنتم فاهمين الأساسيات، عشان نبني عليها مباشرة.‬ ‫احجزوا الموعد. تعالوا بأسئلتكم.‬ ‫‬ ‫لأن اللي فاهم الذكاء الاصطناعي كأداة رح يستفيد.‬ ‫‬ ‫لكن اللي يبنيه كنظام تشغيل حول شغله، رح يسبق. ‬

‫‬‫‬ ‫كما وعدتكم، وبناءً على طلب البعض منكم: تدريب "كلود للجميع" اكتمل 🎬‬ ‫‬ ‫4 ساعات تدريب عملي، جاهزة وقريبًا هنا في المجتمع، ومجانية بالكامل للجميع: الفائدة لما تعم، الكل بيكسب.‬ ‫‬ كورس للمبتدئيين بكلود ‫الهدف واضح: ما نخلي الأداة عقبة توقّف أي حد. احنا هون للبناء.‬ ‫‬ ‫مكملين بشهر البناء، ودوري الصغير فيه: أزيل العقبات من طريقكم، وأنتم تبنوا. 🧱‬ ‫‬ ‫شو رح يصير معك خلال 4 ساعات؟ 👇‬ ‫‬ ‫رح نمشي على كلود كامل: المجاني، والمدفوع، والديسكتوب، وكلود كود. من أول ضغطة تسجيل لآخر ضغطة نشر.‬ ‫‬ ‫🧠 رح تعلّم كلود من أنت مرة واحدة بس... وبعدها كل محادثة بتفتحها بيعرفك قبل ما تكتب حرف. أغلب الناس بتستخدم كلود سنة كاملة وما بتكتشف هالإعداد.‬ ‫‬ ‫✍️ رح تشوف نفس السؤال مكتوب بطريقتين: واحد بيرجعلك جواب عادي، وواحد بيرجعلك خطة شغل كاملة. الفرق؟ إطار من 5 حروف اسمه "هدفك". بعد ما تتعلمه، مستحيل ترجع تكتب طلب زي قبل.‬ ‫‬ ‫🎨 رح تكتب موجّه واحد... وتطلعلك 5 تصاميم كاملة لصفحتك الشخصية قدام عينيك: داكن فاخر، فاتح هادئ، تحريري، بينتو، وبطاقة أعمال. أنت بس بتختار.‬ ‫‬ ‫📊 رح تصمم عرض تقديمي كامل بـ Claude Design.‬ ‫‬ ‫💻 وهون بتتغير اللعبة: Claude Desktop وكووورك. كلود اللي بيحكي بيصير كلود اللي بيشتغل: بيفتح ملفاتك، بينظمها، وبينفذ.‬ ‫‬ ‫😴 رح تشغّل مهام بتشتغل وأنت نايم: مجلد التنزيلات بينظف حاله كل جمعة، وملخص بريدك جاهز على قهوة الصبح. حرفيًا موظف ما بياخد راتب.‬ ‫‬ ‫📈 رح تاخد ملف إكسل فيه 8,000 صف مبيعات لعلامة تجميل... وتطلع منه بلوحة تحكم تفاعلية بتكشف: منتج بطل مخزونه عالنفاد، فئة كاملة بتموت بصمت، وقناة بيع بتنمو والكل غافل عنها. بدون ولا معادلة وحدة. وبيناتها كلود رح يمسكلك أخطاء مزروعة بالبيانات ما حد لاحظها.‬ ‫‬ ‫🧩 رح تكتشف ليش المحترفين ما بيكتبوا موجّهات كل مرة: بيوظفوا "فريق خبراء" جاهز جوّا كلود اسمه المهارات والإضافات. وفي 3 طرق تبني فريقك، رح تتعلمهم الثلاثة.‬ ‫‬ ‫📋 رح تكتب وثيقة متطلبات BRD وملف تسليم زي الشركات الكبيرة... وبعدين بتسلّم المشروع لـ Claude Code وبتتفرج عليه بيبني موقعك بناءً هندسيًا: بيفحص شغله بنفسه، بيصلح أخطاءه بنفسه، وبيسلمك تقرير جودة بالأرقام.‬ ‫‬ ‫🚀 وبالنهاية: موقعك منشور على الإنترنت برابط حقيقي، مع تحليلات مجانية بتحكيلك مين ضغط على شو. افتحه من جوالك وابعثه لأي حد.‬

‫تجربتي مع Fable 5 خلال آخر يومين كانت بصراحة لافتة.‬ ‫‬ ‫أكثر إشي شدّني هو مستوى الاستقلالية والسرعة و التحسن بالتصميم وجودة النتائج من اول مرة. و لكن استغرب مسجات انو ما بقدر بنفذ بعض الطلبات. مستوى الاستقلالية والسرعة‬ ‫‬ ‫سجّلت تدريب مدته ٤ ساعات عن Claude للجميع، أعطيته الأجندة فقط، وخلّيته يشتغل على تجهيز الأصول المطلوبة. المفاجأة إنه خلّصها كاملة من أول مرة، وبنتائج قوية جداً.‬ ‫‬ ‫مش مبالغة، بس الإحساس كان كأنه فاهم شو بدي قبل ما أشرح بالتفصيل.‬ ‫‬ ‫سرعة الكودينغ، مستوى التنفيذ، والقدرة إنه يمسك مشروع كامل بدون ما أظل ألاحقه خطوة بخطوة صارت مخيفة بطريقة إيجابية. أنا حالياً مشغّل أكثر من مشروع بنفس الوقت، والنتائج من أول Run صارت أعلى بكثير من المتوقع.‬ ‫‬ ‫من ناحية الواجهات والتصميم، خصوصاً مع Artifacts وClaude Design، في قفزة واضحة. عدّلت صفحة البروفايل الشخصي تبعي بالكامل، وللأسف ما أخدت نسخة من التصميم القديم للمقارنة. بس النسخة الجديدة بالنسبة إلي فرقها ضخم. Claude Design صار Upgrade حقيقي، مش تحسين بسيط. mamounalamouri.com بين artifact > claude design > cowork > claude code > deploy 40 min‬‫‬‬ ‫‬ ‫بعد يومين من الاستخدام، بصراحة صرت أستصعب أرجع لـ Opus. ادعاء Anthropic إنه أسرع بمرتين واضح، وبرأيي التأثير أكبر لما تجمع السرعة مع مستوى الاستقلالية الجديد. لأنه مش بس أسرع في الرد، أسرع في الوصول لنتيجة قابلة للاستخدام.‬ ‫‬ ‫لكن في جانب شفتو سلبي . البعض قد يختلف معي الراي.‬ ‫‬ ‫الحواجز والسياسات الأمنية صارت مبالغ فيها أحياناً. لأول مرة واجهت رسالة رفض أثناء شغلي الطبيعي على فحص أمني وروتين Hardening لمشروع عندي. بعد ما قرأت السبب، واضح إنه النظام صنّف الموضوع كأنه ممكن يدخل ضمن كشف بنية تحتية حساسة.‬ ‫‬ ‫وهذا مزعج، لأنه أحياناً أنت لا تحاول تعمل شيء خطير، أنت فقط تعمل شغل أمني طبيعي على مشروعك.‬ ‫‬ ‫الخلاصة؟‬ ‫‬ ‫الاستقلالية، السرعة، وجودة أول نتيجة ممتازة جداً.‬ ‫‬ المشكلة اللي واجهتها لاول مرة (ثلاث مرات اليوم) ‫لكن guardrails والرفض الصامت أو المفاجئ ممكن يصيروا عائق حقيقي للمستخدمين المتقدمين، خصوصاً اللي بيشتغلوا على مشاريع تقنية جدية وفيها Security وInfrastructure.‬ ‫‬شوف المسج Request was blockedClaude Code is unable to respond to this request, which appears to violate our Usage Policy. Try rephrasing the request or attempting a different approach.