3h • محادثات عامة
كم فكرة مشروع راحت عليك لأنك ما بدأت؟
كلنا تجينا أفكار ومشاريع ودنا نبنيها ونشوفها على أرض الواقع، ولكن غالباً يوقفنا شيء من الثلاثة: الخوف، قلة المال، أو قلة الخبرة في الوصول للعملاء ومعرفة الفئة المستهدفة.
سواء كانت فكرتك مشروع تقني أو حل لمشكلة معينة أو حتى خدمة بسيطة.
واللي يقهر إنك بعد فترة تشوف نفس فكرتك نفذها شخص ثاني ونجحت معه، وتقول بينك وبين نفسك: يا ليتني بدأت وقتها!
وهذي أشوفها مشكلة عند كثير مننا، ولكن مثل ما يقولون لكل مشكلة حل.
عشان كذا قررت أغير توجه منصة تدري بشكل أكبر.
ما أبغى تدري تكون مجرد منصة تدخلها تتعلم كم مهارة وتطلع بشهادة وخلاص.
ودي تكون مكان يجمع الأشخاص اللي عندهم طموح يبنون مشاريعهم، ويتعلمون كيف يحولون أفكارهم إلى منتجات حقيقية، والأهم يعرفون وين الفرص ووين الفلوس فعلياً.
في بالي أجمع كل الخبرة اللي اكتسبتها خلال 12 سنة، من عملي مع شركات صغيرة وكبيرة إلى بناء مشاريعي الخاصة، وأحاول أنقل لكم التجارب اللي نجحت معي وحتى الأخطاء اللي كلفتني وقت ومال.
والصراحة عندي هدفين من هذا التوجه:
الأول: إني أشوف نتائج حقيقية لأعضاء المجتمع، وأشوف مشاريع بدأت من مجرد فكرة وتحولت لشيء موجود في السوق ويحقق دخل.
الثاني: إني أدخل كشريك أو داعم في بعض المشاريع اللي أشوف فيها فرصة حقيقية للنجاح.
ولكن هذا التغيير راح يغير حتى الأشخاص اللي نستهدفهم في تدري.
ما عاد أبغى أستهدف الشخص اللي هدفه يتعلم الذكاء الاصطناعي لمجرد التعلم.
أبغى الشخص اللي عنده هدف من التعلم.
شخص عنده فكرة ويبغى ينفذها، أو عنده مشكلة ويبغى يحلها، أو حتى شخص ما عنده فكرة للحين ولكن عنده رغبة حقيقية إنه يبني مشروعه الخاص.
وعشان كذا لأول مرة بقولها لكم:
الدورة القادمة في تدري ما راح تكون مجرد دورة أساسيات ذكاء اصطناعي.
بإذن الله راح تكون رحلة نبدأ فيها من الصفر، من فهم الفكرة ودراسة السوق ومعرفة العميل المستهدف، إلى بناء منتج حقيقي والاستعداد لإطلاقه.
يعني ما أبغاك تطلع من الدورة وأنت بس تعرف تستخدم أدوات الذكاء الاصطناعي.
أبغاك تطلع وأنت تعرف كيف تستفيد منها في بناء شيء يخصك.
وفي نقطة مهمة أحب أوضحها من الآن.
دورات الأساسيات راح يكون عليها خصومات وعروض، لأن هدفي أن المعرفة تكون متاحة لأكبر عدد ممكن.
أما رحلة بناء المشاريع، فراح يكون لها تسعير مختلف يعكس حجم العمل والمتابعة اللي بنقدمها، ويكون مناسب للأشخاص الجادين في تنفيذ مشاريعهم.
ما أبغى أوعدكم بأرباح أو نجاح مضمون، لأن السوق ما فيه ضمانات، ولكن أقدر أوعدكم إني بنقل لكم اللي تعلمته من تجاربي قدر المستطاع.
وبإذن الله راح ناخذ بيدكم من التشتت إلى الوضوح، ومن الفكرة إلى التنفيذ.
إذا هدفك تبدأ مشروعك الخاص، وتبغى تكون من أول المهتمين بالرحلة القادمة، سجل اهتمامك من هنا:
0
2 comments
كم فكرة مشروع راحت عليك لأنك ما بدأت؟
powered by
skool.com/diwan-automation-6064
ديوان الاعمال هو مجتمع مجاني نساعد بعض فيه ونشارك خبراتنا وتعلمنا
Suggested communities
Powered by