كنت سمعت الجمله دي في فيديو و عرفت انهم بيحطوا نشا او مواد تانيه. و لاقيت الكاروسيل ده قلت اشارككم يمكن يفيد حد https://www.instagram.com/p/Db04EGvDDjr/?img_index=2&igsh=MTdkMDJjZWdhajYxdg==

حبيت اخد بريك شويه من الحروف المتصله و اكتب جمل. عارفه انها مش مظبوطه بس هتدرب عليها تاني لو عندكم نصايح اظبط بيها اكتر ياريت 🌷

الحروف المتصله منتظرة تعليقاتكم لاني اول مرة اتعلم خط عربي و باخد وقت طويل في التدريب لحد ما اعرف اطلع نتيجه

صباح الخير يا جماعة 🌷 1- الأقلام البوص: لاحظت إنها بتتأثر بالحبر والمياه، فبتحتاج من وقت للتاني قط وصنفرة علشان نحافظ على دقة الحروف وشكلها 2- تنظيف القلم: يفضل بعد ما نخلص نمسح السن وأي زوائد حبر بقطعة قماش مبللة 3- كمية الحبر في المحبرة: لاحظت إن لما الحبر بيكون قليل القلم بيقطع، ولو الحبر زيادة الحروف بتضيع ومبتطلعش مظبوطة وأعتقد إن دي حاجة مع الوقت والممارسة هنقدر نتحكم فيها أكتر ونظبط الكمية المناسبة. ✍️ ولو حد جرب الأقلام المعدن ياريت يقولنا رأيه فيها ، وهل شايفها أفضل من أقلام البوص؟ 😊 ولو حد اكتشف طريقة أو أداة أو نصيحة أثناء التدريب سهلت عليه الكتابة، ياريت يشاركنا بيها عشان كلنا نستفيد ❤️

سعيد جدًا بانضمامكم لأول منحة داخل مجتمعنا الجديد، وبداية رحلتنا في تعلّم الخط العربي عن بُعد. خلال المنحة هتلاقوا: محتوى تدريبي منظم تطبيقات وواجبات عملية توجيه ومتابعة مساحة لمشاركة الأعمال والاستفادة من آراء الآخرين قبل ما نبدأ، عرّفنا بنفسك في التعليقات: - اسمك - بلدك - مجالك الحالي - وإيه أكتر حاجة نفسك تتعلمها في الخط العربي؟ ومتنساش إن أفضل استفادة من المنحة مش هتيجي من المشاهدة فقط، لكن من المشاركة والتطبيق والتفاعل مع زملائك. أهلًا بيكم 🤍