بتقدرو تتخلصو من ادمان السكر وتتحكمو فيه لطول العمر حتى لو انتو مش مصدقين بدي اياكم تتبعو ال3 قواعد اللي راح احكيلكم عليها 3 قواعد: القاعدة الاولى: السكر ما يكون الاستفتاح تبعكم اول متصحو من النوم وانا بعرض عليكم انه يكون في صيام اول 3-4 ساعات وهيك الانسولين بضل محافظ على مستوى واطي. القاعدة الثانية: الوجبة الاولى ما يكون فيها سكر نهائيا, مثال بسيط: اذا اكلتو لبنة ماتوكلو معها شوفان او عسل. اذا اكلتو لحمة ما توكلو معها رز او خبز, والى اخره.. وهيك الرغبة للسكر راح تبدا تقل لانه المستوى تبع الهرمونات المؤولة على استيعاب السكر مش شغالة. القاعدة الثالثة: الوجبة الثانبة او الثالثة اذا في مسموح توكلو سكر (كاربوهيدرات) رز , خبز, بطاطا, او حتى اذا جعبالكم شوكلاطة بس بشرط انه يكون معها بروتين بنفس الكمية او اكثر. يعني اذا اكلتو سكر 30 غرام لازم يعادلها بروتين 30 غرام او اكثر.

عن طريق هاي الاستراتيجية المشتركين وصلو لهاد المستوى بامكانكم تشوفو تغييرات المشتركين قبل وبعد عبر هذا الرابط https://naderhusinfitness.com/home/

اذا بداتو دايت اول اسبوع راح تكون متحمسين فراح تشوفو نتائج حلوة الاسبوع الثاني راح توقعو بيوم، وهاد اليوم اللي راح توقعو فيه بحدد اذا راح تنجحو بتنسيق الجسم او لأ فلما تخربو بيوم بالاسبوع الثاني ما تندمو وتهتمو نهائيا، بدي اياكم بعدها بيوم تكملو النظام وكأنه ما حصل شي، وديربالكم تكملو التخريب.