مساء الورد .. يعطيكم العافية حاولت ادخل على قسم الكورسات ولقيته كله مقفل

إذا بدك تعرف بالزبط شو اللي معلق بجسمك جهزّتلك اختبار بسيط (5 أسئلة) بخليك تعرف المشكلة الحقيقية عندك، وبعده رح يطلعلك تمارين ومحتوى مجاني مناسب لإلك، وبالأخير بتقدري تحجزي استشارة مجانية. ابدئي من هون: https://www.naderhusinfitness.com/

مرحبا تقريبا صارلي اسبوعين بالدايت وبلشت حس أنهومافي نتيجة وأني أكيد بعمل شي غلط .. حسبت سعراتي وحددت هدفي وسويت عجز اكتر من ٤٠٠ سعرة متل مو موجود بكورس كيف تبني نظام خاص فيك بالظبط حطيت نسبة البروتين جرام لكل كيلو وقللت الدهون لأقصى حد وبقي الباقي للكارب بعمل ٣ ايام في الاسبوع ٧ تمارين كانوا مجهدين كتير بضلني اشتغل بتركيز لمدة ساعة وكانوا الهيب ترست والديدليفت تبع الافخاذ واللانش اللي رجل وحدة عالكرسي تمرين للافخاذ الجانبية تمرينين دفع الرجل للوراء والاعلى بالمطاط وتمرين اكتاف خلفية ما باكل سكر .. وبشرب مي منيح ومعتمدة نظام الوجبتين فقط وبصوم من ٦١ ل١٨ ساعة ماني حاسة بجوع ولا بحرمان بس ما عم حس بنتيجة قوية تحمسني 😔 مع أنه كل اكلي بحسبه يعني متأكدة اني أبدا ما تجاوزت سعراتي هل اللي عم اعملت صح ؟؟ ولا ناقص شي ؟؟ هل ما لازم اتوقع اكتر من نزول كيلو بالاسبوع ؟؟ بصراحة حاسة أنه أنا لحالي بالمنصة ما بشوف كتير حدا عم يحكي او يقول تجربته او اسمع اسئلة الناس كأنه متشاركين هالرحلة متل ما كنت توقعت .. ولهيك كتير عم بحس بحرج اذا بدي اكتب كل شوي .. وعم شك باللي بعمله اذا كان صح او خطأ ..

مسا الورد سؤال بعد ما مضي أول يوم من الدايت هلأ طبيعي انه حسيت الاكل كتير علي ؟؟ يعني بالاحوال العادية انا كنت اكل اقل من هي الكمية !! لكن ليش وزني كان عم يزيد ؟ مع انه حسبت سعراتي ووزعت العناصر متل ما موجود بالكورس بالظبط ولكن ما قدرت كمل كل الكمية هلأ بعرف انه عادي مو ضروري كل يوم يكون نفس التاني وبقدر اقلل وما كون دقيقة 100% بس انه مستغربة .. طبيعي هذا الشي؟ شغلة أخيرة ❣️ هي يمكن رقم ٦٠ بحياتي اللي بعمل فيها دايت ولا مرة كنت مرتاحة وحاسة نفسيتي بدون سترس متل هالمرة يارب تجيني نتيجة مشجعة شكرا

صباح الخير .. قررت اخد نظام الوجبتين وجبة بروتين وسلطة ووجبة تانية كارب مع بروتين مع صيام ١٨ ساعة )متعودة عالصيام وكتير بيناسبني ودخلت المنصة عشانه) هلأ ما عندي مشكلة انه كل حصتي من الكارب رح بتكون بوجبة وحدة ... بس حابة أسأل : أنا بسهر كتير وبيكون عندي كتير وقت بالليل بالخمس ساعات اللي غير الصيام .. اديش بيأثر سلبي.. لو شلت جزء من الكارب وخليته لحاله كوجبة صغيرة ثالثة؟؟ أو هل رح يفرق لو ضليت بس على وجبتين وخليت الوجبة الكبيرة اللي فيها كارب هي اللي أول والوجبة التانية اللي بروتين وسلطة هي التانية ؟؟ علما انه دائما رح بيكون الاكل بعد التمرين مو قبله وشكرا .. رح غلبكم بالأسئلة هالفترة تحملوني .. كتير بحب التفاصيل وبحب اتطمن اني عم ابدأ صح ..