Зарим хүмүүс амьдралдаа хэтэрхий олон хүнийг алдахгүй гэж хичээгээд эцэст нь өөрийгөө алдчихдаг. Бүгдэд таалагдах гэж өөрийгөө дардаг. Хэн нэгнийг гомдоохгүй гэж дуугүй өнгөрөөдөг. Үгүй гэж хэлэх ёстой үедээ зөвшөөрдөг. Ядарсан мөртлөө "зүгээр ээ" гэж инээдэг. Яваандаа өөрийнхөө хүсэл юу байсныг ч мартдаг. Өөрийгөө золиослохыг хайр гэж боддог хүмүүс олон. Гэтэл жинхэнэ хайр чамайг хоосолдоггүй. Харин улам дүүргэдэг. Чамайг хайрладаг хүн чиний сэтгэлийг өдөр бүр шалгахгүй. Үнэ цэнийг чинь эргэлзүүлэхгүй. Өөрийгөө байнга батлах шаардлагатай байдалд оруулахгүй. Заримдаа хүмүүсийг алдах нь амьдралаас хасагдал биш, харин өөрийгөө буцааж олж авах эхлэл байдаг. Бүх хаалга хаагдаж байгаа юм шиг санагдсан ч үнэндээ чамд тохирохгүй байсан хаалгууд л хаагдаж байдаг. Өөрийгөө сонгоно гэдэг хувиа хичээсэн хэрэг биш. Өөрийгөө хүндэлж сурсан хүн л бусдыг зөв хайрлаж чаддаг. Өөрийгөө үнэлж сурсан хүн л хэнийг амьдралдаа үлдээхээ ухаалгаар сонгодог. Нэг л өдөр чи бүх хүнийг авч үлдэх гэж биш, өөрийнхөө амар тайван байдлыг авч үлдэх гэж амьдарч эхэлнэ. Тэр өдрөөс эхлээд амьдрал чинь өөрчлөгддөг. Учир нь хамгийн үнэ цэнтэй харилцаа бол бусадтай биш... хамгийн түрүүнд өөртэйгөө байгуулсан харилцаа байдаг.

Эрэгтэй хүн болгон эрхэлж чаддаггүй. Тэд ч бас ядардаг. Тэд ч бас гунигладаг. Тэд ч бас хэн нэгний мөрөн дээр хэсэгхэн ч болов бүх ачаагаа тавимаар санагддаг. Гэхдээ ихэнх эрчүүдэд "чи хүчтэй байх ёстой" гэсэн үг багаасаа суучихсан байдаг болохоор сул талаа харуулахаас илүү дотроо хадгалж сурсан байдаг. Хамгийн чанга хатуу эр хүн хамгийн ихийг нууж явах үе ч байдаг. "Зүгээр ээ" гэж хэлэх бүрдээ үнэхээр зүгээр байдаггүй. Зүгээр л бусдад төвөг болохыг хүсдэггүй. Эр хүн үргэлж хамгаалагч байх албагүй. Зарим өдөр өөрийг нь ч бас тэврээд, "Чи өнөөдөр их ядарсан байна" гэж нэг л удаа анзаардаг хүн хэрэгтэй байдаг. Учир нь анзаарагдах мэдрэмж хайрлуулахтай адил үнэ цэнтэй. Эрэгтэй хүн эрхлэхдээ хүүхэд шиг болдог. Итгэдэг хүнийхээ дэргэд л хамгаалалтаа буулгаж, санаа амар инээж, дуугүй сууж, юу ч тайлбарлахгүйгээр өөрөөрөө байж чаддаг. Тэр эрхлэлт нь сул дорой биш, харин итгэлийн хамгийн том илэрхийлэл юм. Эр хүнээс зөвхөн хүчийг нь авч болохгүй. Сэтгэлийг нь ч бас сонсож сур. Тэгвэл тэр чамд зөвхөн түшиг биш, бүх амьдралаараа түшиглэх хүн болж чадна.

Хайр таны дотор байгаа бүхнийг нэг нэгээр нь гаргаж харуулдаг. Хайр бол өөрийгөө таних гүүр юм. Хайрлаж буй хүн нь гүн гүнзгий хүн байх тусмаа та дотогшоогоо гүнзгий өөрийгөө олж харна. Хайрлаж буй хүн нь хөнгөн байх тусам та аясаараа байдгаараа л явна. Тиймээс л хэнийг хайрлаж байгаагаас хэр хүчтэй мэдрэмж төрж амьдарсан шиг амьдарч эсвэл үхмээр санагдах хэмжээнд хүрэх нь ч дотогшоогоо гүн орж буйн хэлбэр. Эцэстээ бид өөрийгөө олж сайхныг харж, саарыг нь засахын тулд л яваа учир цаанаасаа хэн нэгэнд гүн дурлахыг хүсдэг. Дурлал, хайр бол оршихуйн хаана ч байхгүй хамгийн том эмчилгээ бас буруудвал ерөндөггүй хор юм. Гэхдээ хамгийн сонирхолтой нь сэтгэлээ хаашаа залахаа та өөрөө л шийднэ өөрийгөө зовоох зүг рүү жолоо залж хор уух уу? Зөв сэтгэл амирлангуйлж эдгэрж, жаргаж явах уу? гэдэг ээ. Гэхдээ ихэнх хүн өөрийгөө танихаас, дарсан зүйлсээ ахин харахаас айдаг тул хүнд дурлаж, хайрлах сэтгэлээ хааж хөнгөн амьдрахаар шийддэг. Ахин шархлах вий гэдэг айдас хамгийн түрүүнд. Ууг нь бол нөгөө хүний тань үйлдэл ямар ч байсан та тэнцвэртэй байж суралцах зүйлсээ суралцаж зам мөр нийвэл жаргалтай урагшлан зам мөр салбал сайныг хүсэн эдгэрсэн хэвээр өөрийгөө хайрлан урагшлах явдал юм. Өөрийгөө ч бай бусдыг ч бай хайрлах шиг сайхан зүйл хаа ч үгүй. Гол нь та сэтгэлээ хэнээс тольдох вэ? гэдгээ л шийддэг учиртай. Аяндаа л хэн нэгэн, юу нь ч юм мэдэхгүй хүчтэй татаад л эхэлнэ. Тэр нь сүнслэг түвшинд байх тусмаа угтаа асар хүчтэй байна. Зөвхөн бие махбодын түвшинд бол тийм сонин биш байна. Оюун санааных бол хавьгүй дээр. Хамгийн гайхалтай 2 сүнс нэгнээ олох үе юм.

Бүх дэлхий амар амгалан, түүнд орших бүхэн аюулгүй аз жаргалтай байх болтугай🙏❤️🌏🥰. Бүгдэд нь хамгийн сайхан бүхнийг хүсэн ерөөе.🌟🫂

🌿 Өөрийгөө хэзээ ч бүү гол. Та бодож байснаасаа ч илүү хүчтэй нэгэн. 🌸 Амьдрал үргэлж хүссэнээр өрнөдөггүй ч, бүх зүйл өөрийн гэсэн цаг хугацаатай ирдэг. ☀️ Сайн сэтгэл хэзээ ч дэмий алга болдоггүй. Хэзээ нэг өдөр заавал эзэндээ аз жаргал болон эргэн ирдэг. 🌈 Алхам бүр чинь итгэлээр дүүрэн, бодол бүр чинь гэрэлтэй, зүрх бүр чинь хайраар бялхаж байх болтугай. Аз жаргал таны сонголтоос эхэлдэг. Сайн бүхнийг бодож, сайн бүхнийг түгээж, сайн бүхнийг өөртөө татаж яваарай.