Dis baie waar, my kop hardloop gereeld weg met iets en dan het daar nog nie eens iets gebeur dat ek so kon dink nie. Ek dink altyd eers die ergste en verwag die ergste. Dis waarom ek sukkel om onderskeid te tref tussen my kop, my hart en God se stem. Die groot vraag is, hoe hoor ek God se stem in my alledaagse lewe...

Spore van Hoop 27 Augustus 2026 Reageer jy, of luister jy? Jakobus 1:19 - “Elke mens moet maar te gewillig wees om te luister, nie te gou praat nie en nie te gou kwaad word nie.” Ons leef in ’n wêreld waar mense baie vinnig reageer. Iemand sê iets, plaas iets, stuur iets en nog voordat ons mooi geluister het, antwoord ons. Soms hard. Soms verdedigend. Soms kwaad. Soms met woorde waaroor ons later spyt is. Maar dit gebeur nie net op sosiale media nie. Dit gebeur ook in ons huise, families, huwelike, vriendskappe en gemeentes. Iemand sê iets, en ons hoor nie altyd wat bedoel word nie; ons hoor wat dit binne-in ons wakker maak. Ons reageer op ons seer, ons vrees, ons irritasie of ons behoefte om reg te wees. Jakobus leer ons ’n ander pad: wees gewillig om te luister, nie te gou om te praat nie, en nie te gou om kwaad te word nie. Dit is nie net goeie raad vir beter kommunikasie nie. Dit is deel van ’n lewe wat deur God se Woord gevorm word. Want die evangelie leer ons: voordat ons reg kon reageer, het God reeds met genade op ons gereageer. In Christus kom God nie na ons toe met haastige verwerping nie, maar met selfgawe, vergifnis en redding. Aan die kruis sien ons hoe anders God reageer as ons. Ons sonde reageer met selfhandhawing en vyandskap. God reageer in Christus met liefde en genade. Daarom hoef ons nie deur elke impuls beheer te word nie. Omdat Christus Koning is, hoef ek nie elke gesprek soos ’n oorlog te hanteer nie. Ek hoef nie elke verskil as ’n bedreiging te beleef nie. Ek hoef nie met my woede te regeer nie. Waar Christus regeer, begin sy vrede ook my woorde vorm. Jakobus sê ons moet die Woord wat God in ons geplant het, ootmoedig aanneem. God se Woord is soos saad in die grond. Dit groei nie goed in harde haastige harte nie. Dit groei waar ek kan sê: “Here, miskien is my eerste reaksie nie die waarheid nie. Vorm eers my hart voordat my mond praat.” Dalk is dit ’n eenvoudige oefening vir hierdie week: voor jy reageer, luister eers. Vra: Verstaan ek regtig wat gesê is? Wat gebeur nou in my hart? Gaan my woorde opbou of afbreek? Praat ek uit vrede, of uit woede?

Matteus 10:29-31

Wow, dit was baie insiggewend. Mens is geneig om te dink n pil maak alles reg, maar God is groter as enige probleem. Mens moet dieper begin kyk en nie net oppervlakkig kyk na probleem nie. Maar ja, mens het die regte mense nodig om mens te lei. Dankie tog dat jy dit reg gekry het, want ek kan hoor jy is n baie coach, glo dit sal my ook baie help om myself beter te verstaan.

Ware woorde, God is oral teenwoordig. Ons moet net leer om Hom raak te sien in dit om ons. Ek is dankbaar vir God se Genade in ons lewens...Hy is nooit laat nie, veral as party maande voel dit het 60 dae i.p.v net 30 of 31😄. Op n ernstige noot, God het my gister gespaar want ek was amper betrokke in n lelike kop aan kop botsing, en dit sou nie eens my skuld gewees het nie. Maar hoe dit ook al sy, God was in beheer en ek dank Hom vir Sy genade en liefde in ons lewe. Ek gaan deur die loop van die dag bietjie opvang op wat ek gemis het. Ek ry meeste van die tyd wanneer "live session" is, want my seun skryf toetsreeks in middae en sussie in die oggend. Ek soek nie verskonings nie, net my realiteit as n mamma😁🙏 Geseende dag aan elkeen.

@Hykie Berg baie dankie, sal so maak.