Ricky，想同你同你嘅團隊講聲唔該！ 多謝你哋今晚嘅安排。👍 今晚嘅分享好真誠、好赤裸，對在場每一位都好有激勵作用。喺咁輕鬆嘅氣氛之下，仲可以認識到一班志同道合嘅朋友，真係好難得。 可惜今晚掛住傾偈，唔記得影張個人照留念，期待下次活動再聚！🙌

@Ricky Kazaf 請問有冇一啲香水介紹？我唔識揀🙃又驚啲女仔唔鍾意，thanks🙏🏻

除咗平時做嘢之外 我嘅日常就係打波同埋覓食🤓 見大家都po咗自己彈結他同跳舞嘅片 等我都po吓自己日常打波嘅片！ 大家一齊努力進步！

學咗好多溝通技巧，到真係運用嘅時候都唔係好記得，暫時我最需要就係需要笑多啲，要俾人一種輕鬆嘅氛圍，仲有唔好judge人，同埋搵一個共同興趣去開始同人溝通。 另外，發現自己平時都幾悶😂有乜嘢戲睇又唔知，去邊間酒吧Cafe又唔知，真係需要慢慢學習

唔知大家帶到幾多嘢走呢？ 坦白講，今次個 topic 比穿搭更加難開口討論 而且要承認「原來我一直做錯咗」都係一件難事 但大家嗰日都做到！！！ ━━━━━━━━━━ 🗣 我見到嘅畫面： 有人聽到自己中咗「查戶口式提問」嗰刻 自己笑住話：「嘩我每次都係咁」😂 有人聽完 Ricky 嘅即場示範之後 靜咗幾秒然後講：「原來有分別㗎？」 呢啲就係實戰班同直播最大嘅分別—— 你唔止聽到，你仲感受到 ━━━━━━━━━━ 🔥 第一次嚟嘅同學仔—— 好想聽吓你哋嘅 Feedback！ 嗰晚有冇邊一刻令你覺得「原來係咁」？ 又有冇邊一個踩雷位你發現自己每次都中？😌 ━━━━━━━━━━ Anyway 多謝每一位到場嘅室友❤️‍🔥 多謝你哋嘅支持 更加多謝你哋嘅勇氣—— 勇於表達自己嘅諗法 勇於承認自己做得唔好嘅地方 呢份勇氣，比著得靚更加難得 而呢個，先係Mavericks' Club最有價值嘅嘢❗️ ━━━━━━━━━━ 📣 下一場你想學咩？ 即刻去許願池留言話我哋知啦✨ ━━━━━━━━━━ 最後一張相⋯ 應該係彩蛋 🤓 有份參加嘅人先會明 Cayden Community Manager