7 сарын 1 ээс эхлэн англи, герман хэл дээр хуулан бичиж эхэлсэн дадал маань үргэлжилсээр байгаа, өнөөдөр харин 7 сарын 1 нд эхлүүлж байсан дэвтэр маань дуусаж (60 хуудастай А5 ийн дэвтэр) маргаашаас эхлэн хоёр хэл дээр тус бүрт нь дэвтэр гарган өдөр бүр 1 нүүр, дажгүй бичмээр санагдвал 2 нүүр бичнэ. Өнөөдөр үр шим нь мэдэгдэхгүй бичил дадал маань сайжруулдаггүй юмаа гэхэд муутгахгүй байхад тустай гэдэгт итгэсээр байна. Бүр хийхгүй байснаас бага ч алхмаар урагшилъя гээд ...Дэглэм алдагдсан өдрөө заавал нөхөж хийж байгаа. Та ч гэсэн бага ч хамаагүй ахиц, явцаа хуваалцаж байгаарай.

Эхэндээ сахилга бат хүнд санагддаг. Гэвч давталт бүрийн дараа тэр чиний хүч болж, эцэстээ хамгийн цэвэр таашаал болон хувирдаг. Сахилга батаасаа таашаал авч сурсан хүн өөрийнхөө үнэ цэнийг үнэхээр таньсан байдаг. Учир нь үнэ цэнтэй зүйлс хэзээ ч санамсаргүйгээр бий болдоггүй. Бүх зүйл — давталт. Бүх зүйл — сонголт. Бүх зүйл — өдөр бүр өөр дээрээ ажилласны үр дүн. Гаднаас харахад энэ нь зүгээр л өөрчлөлт мэт… Харин дотроо бол гүн философи, хатуу сахилга бат, өөрийгөө бүтээх ухамсарт урлаг юм. via Fb

⏱️ Боссон цаг: … 🌱 Өглөөний дэглэмээрээ хийсэн зүйлс …

Эхний 10 өдрийг буюу хамгийн хэцүү үеийг давсны дараа дараагийн үе болох 10 эхэллээ. Энэ үед шинэ дадалдаа нэлээн дадсан байх ба тухайн дадлын зарим нэг үр шимийг хүртэж, өөртөө итгэх итгэл минь нэмэгдсэн. Надаас сахилга бат, тууштай байдал үргэлжлүүлэн шаардав. 🥰 Унших (өдөр бүр ) 🥰 Ус уух (өдөр бүр ) 🥰 Талархах (өдөр бүр ) 🥰 Дасгал хийх (өдөр бүр) 🥰 Эрт босох (өдөр бүр) 🥰 дуу, шатар, мат хийх (өдөр бүр ) 🥰 Тэмдэглэх (өдөр бүр) 🥰 Санхүүгээ бүртгэх 🥰 skool хичээлээ давтан үзэх 🥰 нөхөртэйгөө өглөө эрт босох (өдөр бүр ) 🥰 нөхөртэйгөө өглөө эрүүл хоол бэлдэж ажилдаа авч явах (өдөр бүр) Дээрх зүйлсээс харахад үнэхээр л сахилга бат, нэг нэгнээ гэсэн тууштай байдал, зориг их шаардагдсан. Эдгээр дадлуудын үр шимийг хүртэж эхэлж байгаа. Жишээлбэл: чихэр, амттан хязгаарласан, орой хүнд хоол идэхээ больсон, муу зуршлуудаасаа нэг нэгээр салж байгаа, мөн нэг нэгийгээ сонсч хамтран хийх нь нэмэгдсэн. Сайны хажуугаар саар зүйл бас байлгүй яахав. Тэр нь юу вэ? Гэвэл ээж маань амттанд нугасгүй дуртай, ирэх болгондоо авч ирнэ, бас авахгүй бол гомдчихно. Тийм учраас урьдчилан чихэрлэг зүйл идэхээ больсон гэдгээ эвтэйхэн хэлж ойлгуулсан. Сонголтон дээр нь аарцан үрэл, арвайн гурилан бөмбөлөг байвал яаж байна? гэх мэт зөвлөлдөх болсон. Сониноос бүгдээрээ ярилцаж байгаад овъёосоор амттан бэлтгэхээр болсон байгаа. Ганц хүний өөрчлөлт биш гэр бүлээрээ өөрчлөгдөж байна даа🥰🥰🥰 Анхааран уншсан танд талархлаа. Гоё эрүүл амттан хийх жор байвал саналаа хуваалцаарай🤗🤗🤗

⏱️ Боссон цаг: … 🌱 Өглөөний дэглэмээрээ хийсэн зүйлс … 📝 Таны хамгийн дуртай дадал…