12d • تحديثات
السبب ليش بيزنسك مش عم ينجح
آخر ٤٨ ساعة اتحدثت بشكل شخصي مع اكتر من ١٥٠ امرأة عم تبني أعمال تدريبية أو استشارية أونلاين، منن نجحوا يحققوا مبيعات، منهن لا
والشي اللي لقيته مشترك
إنه في كتير عم يحاولوا يوصلوا لمرحلة يكونوا فيها عم يحققوا دخل و"مرتاحين" بس قبل ما يعملوا الشغل اللي بيوصلهن لهنيك
أنا بعرف انه كلنا اشترينا الحلم تبع الدخل السهل بس
قبل ما نوصل لهاد المحل بدنا نبني بصدق، بفضول، ومن دون ما ناخد دورصاحبة العمل اللي ما بتعمل مهام مش من قيمتها
قبل ما توسعي عملك؟ لازم تبني الأساس الصح، تتواصلي مع جمهورك، تحكي معهن، تفهمي شو عم يعملوا
قبل ما توصلي لمرحلة المبيعات المتكررة؟ لازم تبيعي إنت وتكوني بالمكالمات مع عملائك قبل ما توكلي حدا يبيع عنك
قبل ما توظفي؟ لازم تكوني بتعرفي شو الشي اللي بدك الموظف يحققه
السرعة، وأخد الطرق المختصرة ما بينفع إذا ما كان في شي محرز وأساس قوي
أما اذا الأساس اللي عم تبنيه صح، وقتها السرعة والطرق المختصرة بتجيب نتيجة
قبل ما ينجح عملك
- عرضك لازم يكون واضح، بسيط ومطلوب
- لازم يكون عندك تدفق للعملاء المحتملين
- لازم تعملي نفس الأشياء كل يوم - من دون ما تحكمي بالفشل على شي عملتيه يومين بس
ما فيكي تقولي عملي مش عم ينجح إذا ما عم تبيعي
ما فيكي تقولي ما عم اوصل لعملائي اذا مش عم تنشري محتوى أو تتواصلي معهن باستمرار
ما فيكي تقولي السوق معبى إذا ما عم تقدري تبيعي، إذا في سوق معبى معناها في طلب
هل تصرفاتك يومياً عم تدعم أهدافك بعملك؟
10
1 comment
السبب ليش بيزنسك مش عم ينجح
Suggested communities
Powered by