Jul 15 • 📌 Announcements | مستجداتنا
شو الخيط اللي بيجمعنا كلنا؟ | جلسة اليوم
مساء الخير للجميع.
مبارح بمكالمة الأعضاء المؤسسين، سألت سؤال:
شو الخيط اللي بيجمعنا كلنا؟
تخيّلوا المجموعة:
حدا دخل بدون فكرة، وحدا عنده ٢٠ فكرة وتايه من وين يبدأ.
حدا تقني ومحترف، وحدا عمرو ما كتب سطر برمجة بحياته، وبعضهم كان يخاف من التقنية.
وفي ناس دخلت وهي لسا ما بتعرف شو يعني مايكرو ساس.
في ناس عندها خبرة بالبيع، وناس ما عمرها باعت اشي.
في ناس بدأت أعمال قبل هيك، وناس ما عمرها بنت اشي.
٨٠٪ مننا فوق الـ ٤٠، و٢٠٪ أصغر.
مهندسين، أطباء، رواد أعمال، مستشارين، مبرمجين، صيادلة، دكاترة جامعة، ومسوقين.
من السعودية، الإمارات، الأردن، السودان، لبنان، الجزائر، مصر، وحتى أمريكا وأستراليا.
فشو الخيط المشترك؟
الجواب طلع من المجموعة نفسها، بكلمة وحدة:
الاستقلالية.
كلنا جوّاتنا رائد أعمال بدّه يبني شي إلو، بقيمة، بإيدو. (استقلالية داخلية)
ويبنيه كمشروع يجيبلو دخل وحرية. (استقلالية خارجية)
بدنا نكون بُناة نحترف الذكاء الاصطناعي كرياديين، مش متفرجين.
لو هاد إنت، اليوم عنا جلسة. تعال.
٣٠ دقيقة معي: شو هو المايكرو ساس وكيف تبني تبعك.
٣٠ دقيقة نقاش مع الأعضاء المؤسسين، اللي بنوا وباعوا.
٣٠ دقيقة إغلاق وأسئلة وأجوبة.
الجلسة على مايكروسوفت تيمز، عشان الوصول والنقاش يكونوا أسهل.
وكمان رح نبثها مباشر على يوتيوب، لينكدإن، وفيسبوك.
اليوم، الأربعاء ١٥ يوليو، ٨:٣٠ مساءً بتوقيت الإمارات / ٧:٣٠ السعودية.
رابط الدخول: https://webinar.entrepreneursoasis.me/
9
1 comment
شو الخيط اللي بيجمعنا كلنا؟ | جلسة اليوم
skool.com/entrepreneur-oasis
Entrepreneur Oasis MENA | واحة الرياديين العرب
نمذجة ← تقييم ← بناء ← شحن ←بيع
Model → Score → Build → Ship → Launch
Leaderboard (30-day)
1
+20
2
+11
3
+9
4
+3
5
+3
Powered by