@Sukaina Amin @Abdullah Alqahtani @Rami Tarifi @Amer Al.Adas @Sulaf Debajeh @Sara Shaaban @Mohamed Abdulrahim @Abdullah Sumayli @Mahmoud Al-nsour @Ahmed Touaibia @Hayat Mansour أهل المجموعة، رحّبوا معي بـ أهلًا وسهلًا فيكِ حياة. حياة هي العضو رقم ١١، وأول عضوة تنضم بعد اكتمال النواة الأولى من المؤسسين. وهاي لحظة مميزة للمجتمع. حياة اضافة حقيقة للمجموعة تجمع بين الهندسة، التدريب، والكوتشينغ المالي، وفوق هذا عندها مشروعين شغّالة عليهم. هاي تركيبة قوية جدًا لفكرة مايكروساس، لأن فيها خبرة عملية، فهم للناس، ومجال واضح ممكن يتحول لمنتج. رح نتعرف عليكِ أكثر في المكالمة الأسبوعية يوم الأربعاء، وأنا موجود على الخاص لأي سؤال تحتاجيه في البداية. نوّرتي المجتمع يا حياة. منكمّل سوا.

أمس كان أول لقاء رسمي مع الأعضاء المؤسّسين. الجلسة كانت لازم تكون ساعة، صارت ساعتين وعشر دقايق، وما حدا حبّ يطلع. وكما قال الأخ عبدالله القحطاني في بداية الجلسة: "افتح يا سمسم". هاد بحدّ ذاته كان أوّل إشارة. نابليون هيل بكتابه "فكّر تصبح غنيًا" بيقول جملة لازم تتعلّق ع كل حيط: ما لاقيت ولا شخص ناجح بشكل استثنائي إلّا وعندو "عقل جماعي" ماسترمايند، مجموعة بمسارات متشابهة مختلفة، بيتشاركوا الدروس من الفشل والنجاح، ويغطّوا نقاط العمى عند بعض. هاي بالضبط المجموعة. هاد بالضبط اللي بنبنيه. العشرة المؤسيسين اللي شاركونا الجلسة: عامر عدس، سكينة أمين، عبدالله القحطاني، عبدالله السميلي، محمد الزول، سُلاف عبدالعزيز، رامي الطريفي، أحمد توايبية، د. محمود النسور ، سرى ديباجة، . من السعودية، الأردن، قطر، السودان، أمريكا، والجزائر. مجموعة متنوّعة بشكل نادر، وكل واحد فيها بمرحلة مختلفة: في اللي عندو منتج مشحون فعلًا، وفي اللي لسا بفكرة، وفي اللي بين بين. وكل واحد منّهم بيكمّل التاني بطريقة ما توقّعتها. الأفكار اللي طلعت بالجلسة قوية لأبعد حد. مش "أفكار حلوة"، أفكار مبنيّة على وجع حقيقي ومجال كل واحد فيهم خبير فيه. تنبؤ مني صريح: راقبوا الشهر الجاي. على الأقل عشر أفكار من المجموعة هاي رح تنطلق خلال يونيو. مش وعد، توقّع مبني على اللي شفته أمس. هاد بس البداية. وكل شخص جديد بينضمّ كعضو مؤسّس بيضيف بُعد ثاني للنواة. شكر للكل، ومتشوّق للجلسة الجاي.